Ughubulo 4:11 - Laghano Lya Sambi Kwe Iwanu Wose

¹¹ “Imtwatsa wetu na Imulungu wetu! Kunogha kutogholighwa, kubokela utunitso, ukuteghelesighwa na ngupfu. Kwaapfila tsakulumba pfinu pfose, na tsawalumbighwa ka pfaubamile na pfabaha.”

Ughubulo 4:11 ပူးပေါင်းရင်းမြစ်များ

Ghamatendo 14:15

“Amweye, ebali mwotenda apfi? Twetwe pfipfila twa iwanu ka mwemwe. Twowaghalila Imbuli Inoghile ili mpfileke ipfinyagho, na mumuhindukile Imulungu yane ughima, iyalumbile kulanga ne isi ne ibahali ne ipfinu pfose ipfili mumo.

Ghamatendo 17:24

“Imulungu iyalumbile isi na pfinu pfose ipfili mumo, ka Imtwatsa wa kulanga na iisi, ng'okala bae mne ng'anda tse Imulungu itsitsengighwe kwa ghamoko ghe iwanu.

Waroma 11:36

Kwaapfila pfinu pfose pfolawa kuna yeye, na pfabaha kubitila yeye na kwaajili ya yeye. Imulungu yatunitsighwe ghamatsuwa ghose. Ona.

Waefeso 3:9

kuya niwatende iwanu wose waimanye imbuli ye Imulungu iipfisike pfaisang'ana. Imulungu iyalumbile ipfinu pfose, tsakaipfisa imbuli yake ayo kulawa ghumwande,

Waeburaniya 1:10

Kuya kalonga, “Ghweghwe Imtwatsa aho mwanduso tsakulumba isi yose, kwa ghamoko ghako tsakulumba kulanga.

Waeburaniya 1:2

lekeni mne ghamatsuwa ghano gha ukutsigha kalonga na twetwe kubitila Imwanaghe, iyamsaghule na yamwing'ile pfinu pfose pfiwe pfake, kuya kubitila yeye Imulungu tsakalumba isi yose.

Ughubulo 1:6

na katutenda tuwe watambika mne undewa wake, tumsang'anile Imulungu, Aba wake. Kuna yeye Kiristu kuwe na ukulu na ngupfu ghamatsuwa ghose! Amina.

Ughubulo 10:6

kelaha kwa taghwa lya ayula iyokala ghamatsuwa ghose na matsuwa ghose, Imulungu iyalumbile kulanga na chila chinu ichili mumo, iyalumbile isi na chila chinu ichili mumo, iyalumbile ibahali na chila chinu ichili mumo. Malaika ayo tsakalonga. “Kuduhu kubetetsa keli!

Ughubulo 14:7

Naye kalonga kwa kukemelela, “Mpfukeni Imulungu, mtunyeni yeye! Kwaapfila saa yake yo ukuhigha ipfika. Mtamanileni yeye iyalumbile kulanga na iisi, ibahali na mbwibwi tse ghamatsi.”

Ughubulo 19:1

Kuya haghamalile agho nihulika litsi kulu ka lya mtingano mkulu we iwanu kulanga, lyolonga, “Mumtunye Imulungu! Ukombotsi, utunitso na ingupfu pfose pfa Imulungu wetu.

Ughubulo 5:12

walonga kwa kukemelela, “Mwanang'olo iyachinjighwe kotogholighwa kubokela ngupfu, mali, mbutsi, bapfu, heshima, utunitso na ukutogholighwa!”

Ughubulo 5:2

Kuya mbona malaika yane ngupfu, yang'ali yopeta kwa kukemelela, “Yuhi iyotogholighwa kubandula gundi tsake na kuchifughula chitabu chino?”

Ughubulo 5:9

Nao wemba wila uno wa sambi. “Ghweghwe kutogholighwa kuchisola chitabu na kubandula gundi tsake. Kwaapfila tsakuchinjighwa, kwa idamu yako tsakumghombolela Imulungu iwanu kulawa chila kabila, chila lugha na iwanu wa chila langi, na chila isi.