Ughubulo 2:17 - Laghano Lya Sambi Kwe Iwanu Wose

¹⁷ “Ayula yane maghutwi gha kuhulika, na yahulike aghala Ghumuhe ghayoghalongela makanisa. “Yeye iyohuma nitsomwing'a ichijo chila ipfisighwe, ichikemighwe mana, pfipfila nitsomwing'a libwe tselu lyandikighwe taghwa lya sambi na kuduhu munu wowose iyolimanya ila ayula iyalibokele.

Ughubulo 2:17 ပူးပေါင်းရင်းမြစ်များ

Matei 13:11

Kawedika, “Mwemwe mtendighwa mdahe kutsimanya mbuli tsa undewa we Imulungu, lekeni wawo ng'awatendighwe apfo bae.

Maliki 7:16

Imunu yane ghamaghutwi gha kuhulika na yahulike.”

Yohane 4:32

Lekeni Yesu kawedika, “Nene nina ichijo ing'amchimanyile bae.”

1 Wakolinto 2:14

Imunu yalihela Ghumuhe we Imulungu ng'odaha bae kubokela aghala igholawa kwe Imulungu, kwaapfila ghakoneka gha ubotsi kuna yeye, na ng'oghatanga bae, kwaapfila ghomanyika kwa kwapfilighwa ne Ghumuhe.

Wakolosai 3:3

Mana mwemwe tsamfa, na ughima wenu ufisighwa hamwe na Kiristu mghati mwe Imulungu.

Ughubulo 14:3

Nawo wemba wila wa sambi hambele he chighoda che undewa, na hambele he pfilumbe wane iwane ughima na wala iwabala. Kuduhu imunu iyadahile kwilangulitsa wila awo, ila iwanu awo laki imwe na elufu alubaini na nne iwaghombolighwe muisi.

Ughubulo 19:16

Mne lighwanda lyake, na mne hatsa lyake tsakandikighwa taghwa lino, “MNDEWA WE IWANDEWA NE IMTWATSA WE IWATWATSA.”

Ughubulo 2:11

“Ayula yane maghutwi gha kuhulika, na yahulike aghala Ghumuhe ghoghalongela makanisa! “Ayula iyohuma ng'atsotingana mbe na lifwa lya keli.

Ughubulo 2:7

“Ayula yane maghutwi gha kuhulika, na yahulike aghala Ghumuhe ghayoghalongela makanisa. “Ayula iyohuma, nitsomleka aje matunda ghe ghumbiki ghwe ughima ghuli mwikonde mwe Imulungu.

Ughubulo 3:22

“Ayula yane maghutwi gha kuhulika, na yahulike aghala Ghumuhe ghoghalongela makanisa.

Ughubulo 3:6

Ayula yane maghutwi gha kuhulika, na ahulike aghala Ghumuhe ghoghalongela makanisa.