Ughubulo 14:5 - Laghano Lya Sambi Kwe Iwanu Wose

⁵ Na milomo yawo ng'ana ilonge ughutsu bae, wahela matotso.

Ughubulo 14:5 ပူးပေါင်းရင်းမြစ်များ

Matei 12:34

Mwemwe iwana we nzoka, apfi mdahatse kulonga ghanoghile na mwemwe iwenyegho mwiha? Kwaapfila imunu kolonga achila ichimemile mne ghumoyo.

Luka 23:4

Kuya Pilato kawalongela Wakulu we Inambiko na mtingano we iwanu, “Sonile bae totso lye imunu yuno.”

Yohane 1:47

Yesu hamwonile Nasanaeli komtsila, kalonga, “Ayuno ka Muisiraeli ghendo, mghati mwake mduhu ughutsu.”

Waefeso 5:27

Tsakatenda apfo ili yeghalile mwenyegho iwanu iwomtoghola iwali wahenzeluka na iwalihela totso ka imwali iyokwelighwa pfayoghalighwa kwe mmale wake aku kanogha na kahela doa wala litotso.

Wakolosai 1:22

Lekeni sambi, Imulungu kamtendani mwemwe muwe sale tsake kubitila lifwa lya lukuli lwe Imwanaghe, ili yamghaleni mwemwe hambele hake, aku mwa wahenzeluka, mnogha, na mwahela ghamatotso.

Waeburaniya 9:14

lelo pfii idamu ya Yesu Kiristu, ambe unogha ghendo? Yeye kwa ingupfu ya Ghumuhe iyokala ghamatsuwa ghose, tsakelapfa imwenyegho yawe nambiko inoghile, iitsotutenda mimoyo yetu yele ghendo kulawa mne ghamatendo ghetu ghehile, ili tumsang'anile Imulungu iyali mghima!

1 Petiri 1:19

ila kwa idamu ya Kiristu iuli chinu chikulu, imwana we ing'olo iyalihela chilema au ng'opfu.

1 Petiri 2:22

“Ng'atendile nzambi bae, wala ng'ana yalonge ughutsu bae.”

1 Petiri 3:10

Kwaapfila ka Ghamaandiko Mahenzeluka pfogholonga, “Imunu wowose iyonoghela ughima na kwona ghamatsuwa ghanoghile, mlomo wake uleke kulonga ghehile na lulimi lwake luleke kulonga ughutsu.

Yude 1:24

Yeye kodaha kumwapfilani mleke ukughwa, na kuwaghalani mbaka hambele he utunitso wake aku mwahela matotso na kwa kudeng'elela ng'ani,