Luka 4:18 - Laghano Lya Sambi Kwe Iwanu Wose

¹⁸ “Ghumuhe ghwe Imtwatsa ghwa hachanya hangu, kwaapfila kanisaghula nene niwaghalile wahingwa imbuli inoghile. Kanituma niwapetele iwohighwe ka watsolekelighwa, ne ipfifita watsokona. Na kuwalekelela iwanu iwoghaya.

Luka 4:18 ပူးပေါင်းရင်းမြစ်များ

Matei 11:5

ipfifita wakona, ipfimbete woghenda, na wane ukoma wodeghetetsighwa, ipfitsiwi wohulika, iwafile wotsilihuka, na iwahighwa wopetelighwa Imbuli Inoghile.

Matei 12:18

“Ayuno mtumighwa wangu iyanimsaghule, iyoninoghela, na iyonideng'elesa. Nitsoghuma Ghumuhe ghwangu mchanya mwake, katsotsipetela isi tsose ukuhigha kwangu.

Matei 12:20

Ghumlanzi ighuhondeke ng'atsoghubena bae, wala ichitasa ichilapfa lihosi ng'atsochitsima bae, mbaka aitende haki itawale.

Matei 4:16

“Iwanu iwokala mchisi watsakona ghumwanga. Awala iwokala mne isi ye chimbeho che lifwa ghumwanga ghutsowamwemwesela.”

Matei 5:3

Wabweda iwanu wala iwomuhuwila Imulungu, kwaapfila Undewa we kulanga wawo.

Luka 4:17

Keng'ighwa ichitabu cha nabii Isaya. Kachipfughula, kahona hanu handikighwe,

Luka 6:20

Yesu kawalola iwanang'ina wake kalonga, “Mbweda mwemwe wahingwa, kwaapfila Undewa we Imulungu iwo wenu!

Luka 7:22

Yesu kawedika iwanang'ina wa Yohane, “Mghende mkamlongele Yohane aghala ghamwonile na kughahulika; ipfifita sambi wakwona, ipfimbete woghenda, wane ukoma wohona, ipfitsiwi wohulika, iwanu iwafile wotsilihulighwa na mbuli tsinoghile tsopetighwa kwe wahingwa.

Yohane 1:41

Bahala, Andereya kambama ndughu yake Simoni, kamlongela, “Tumwona Mkombotsi iyasaghulighwe ne Imulungu!” Ayo iyo Kiristu.

Yohane 12:46

Nitsa muisi niwe ghumwanga, ili iwanu wose iwonitoghola waleke kukala mchisi.

Yohane 3:34

Iyatumighwe ne Imulungu kolonga mbuli tse Imulungu, kwaapfila Imulungu kommemesa Ghumuhe ghwake Mwenzeluka.

Ghamatendo 10:38

Imulungu pfayamsaghule Yesu wa Natsareti kwa kumwing'a Ghumuhe Mwenzeluka ne ingupfu, na pfayaghendile chila hanu aku kotenda ghanoghile na kuhonetsa iwanu wose iwonelighwe na Setani, kwaapfila Imulungu tsakakala naye.

Ghamatendo 26:18

uwafumbule nenge tsawo na kuwalapfa mchisi wengile hatselu, walawe mne ingupfu ya Setani, wamghalukile Imulungu, kwa kunitoghola nene, waleghusighwe nzambi na wahale hamwe na wose iwasaghulighwe ne Imulungu.’

Ghamatendo 4:26

Iwandewa we iisi weyandaa, ne iwatawala watingana hamwe, kumpinga Imtwatsa na Kiristu wake.’

Ghamatendo 4:27

Kwaapfila Herodi, Pontiyo Pilato, iwanu we Isiraeli ne iwanu iwali si Wayahudi watingana mne ghumji ghuno kumpinga Yesu, Imtumighwa wako Mwenzeluka, yumsaghule yawe Kiristu.

Wakolosai 1:13

Naye katukombola kulawa mne ingupfu ya chisi, katughala mne undewa we Imwanaghe iyomnoghela,

Yakobu 2:5

Ndughu tsangu wanoghelighwa, mtegheletse! Apfi Imulungu ng'awasaghule wahingwa we isi ino kuwa matajiri wa ukutoghola na kuhala undewa wawalongele katsoweng'a wala iwomnoghela?

1 Petiri 2:9

Lekeni mwemwe mwa iwanu imsaghulighwe, watambika wa Mndewa, kingili lye iwanu wahenzeluka, iwanu we Imulungu mwenyegho, iyamsaghulighwe kutsipeta sang'ano ng'ulu tse Imulungu iyawakemile kulawa mchisi mwingile mne ghumwanga ghwake ighukangawatsa.