Filemoni 1:20 - Laghano Lya Sambi Kwe Iwanu Wose

²⁰ Ndughu yangu utende pfino kwa kunyapfila nene kwaajili ye Imtwatsa, lelo ghweghwe ka ndughu yangu mne ukwilunga na Kiristu udeng'elese ghumoyo ghwangu.

Filemoni 1:20 ပူးပေါင်းရင်းမြစ်များ

1 Wakolinto 16:18

Mana tsawadeng'eletsa ghumoyo ghwangu ka pfawamdeng'eletseni mwemwe. Iwanu awo pfinogha wang'akumbukighwa.

2 Wakolinto 2:2

Ning'awaghuma usungu, nani lelo yatsonenda ndeng'elele? Ng'ambe wawala niwaghumile usungu!

2 Wakolinto 7:13

Apfo tughumighwa ghumoyo. Si ka tughumighwa ghumoyo ghuliheka, ila Tito tsakatudeng'eletsa ghendo kwa ndeng'elelo ng'ulu yakalile nayo kwa pfamumtendile yasangalale.

Wafilipi 1:8

Imulungu komanya ka nolongesa ghendo ahala hanilonga, kwa unoghelo uhula wa Yesu Kiristu nosulukila kumwonani.

Wafilipi 4:1

Apfo ndughu tsangu, wanoghelighwa wangu, yaniwasulukila kumwonani, mwemwe imli ndeng'elo yangu na litaji lyangu, mwime ghendo mghati mwa Imtwatsa, mwemwe wanoghelighwa wangu.

Filemoni 1:12

Lelo nomuyitsa keli kuna ghweghwe, yeye ka ghumoyo ghwangu.

Filemoni 1:7

Unoghelo wako unideng'elesa ng'ani na unighuma ghumoyo. Ghweghwe kuisangalamsa mimoyo ye iwanu wose we Imulungu.

Waeburaniya 13:17

Muwategheletse awala iwomlongotsani na kuwinza malaghitso ghawo. Wawo wololesa muhe tsenu, kwaapfila watsomlongela Imulungu pfawamsang'anile. Mng'awategheletsa watsotenda sang'ano yawo aku wodeng'elela, ka ng'amuwategheletsa watsosang'ana kwa kusing'inika, na chinu acho ng'achitsomwapfilani bae.

1 Yohane 3:17

Ka imunu kana pfinu na baho komwona ndughu yake kobama pfinu, naye ng'omwonela libatsi bae, lelo yodahatse kulonga ka komnoghela Imulungu?

3 Yohane 1:4

Kuduhu ichinu ichinideng'elesa ng'ani kubita kuhulika ka wanangu wokala mne ukweli.