Tatatai 5:13 - Label

¹³ Pa a longor na elngen na akakes rop saot na langit pa te na rakrakan hanua pa tingui na piu pa tingui na puka tasi, a ututnala rop ning di akes la, la saksak larne, “Tetek esaning i kes ana keskes a king, pa tetek a Nat a Sipsip, dalar atong aitna pas diau, dalar hanrawai diau pa dalar aitna pas diau. Pa diar tong akes a rakrakai, bel ir rop pa bel ir rop.”

Tatatai 5:13 ပူးပေါင်းရင်းမြစ်များ

Matiu 6:13

Gong u ben mila uting na arlam. Ur alaun mila kusun a Tena Laulau.’

Luk 2:14

“Dalar atong leklek a risana e God tisaot kol, pa bal molmol ana rakrakan hanua rop tetek la ning i gas onla.”

Jon 1:29

Ning a pukakiar lamur, e Jon i oroi pas e Iesu i han amon teteki, pa i atongi mange, “Mulo oroi i, a Nat a Sipsip ane God, ning ir kepsen a laulau a ginina rakrakan hanua.

A Pas ane Pol tetek a tarai Rom 11:36

Anasa i ot i akes a ututnala rop, pa i ot a kama ututnala rop, pa anunai ot a ututnala rop. Dalar atong leklek pasi, onone pa lamur pa bel ir rarop. Amen.

A Pas ane Pol tetek a tarai Rom 16:27

Dalar atong leklek pas e God, takai ka a God, ning a tena tastasmai. Dalar atong leklek pasi kamna o e Iesu Karisito, onone pa lamur pa bel ir rarop. Amen.

A Pas ane Pol tetek a tarai Rom 9:5

La na kaba tarai e Abaram, Aisak pa e Jekop. Pa ning e Karisito i hanot a barsan momol, i hanot onla. E Karisito i warkurai a ututnala rop, pa i ot e God. Dalar atong alekleki, onone pa lamur pa bel ir rarop. Amen.

Epeses 3:21

Dala taum ana tarai lamur, dalar atong leklek pasi, bel ir rop pa bel ir rop ana tnan ututnala i ka tol tari ana tarai a lotu, pa o e Karisito Iesu. Amen.

Pilipai 2:10

sur ana risana e Iesu, na akakes rop saot na langit pa te na rakrakan hanua pa nahai a rakrakan hanua, la rop lar kes ana bokona hanla,

Kolosi 1:23

E God ir tol a utna ne ning mulor rakrakai ana tortorot, pa mulor tur rakrakai onoi. Pa gong mulo han masik kusun a keskes na harnanai ana tortorot sur a ututnala ning e God ir toli, ning mulo ka longor tari ana Wakak a Warwara. A Wakak a Warwara ning, di ka atatai tar onoi tetek a taraila rop te na rakrakan hanua. Iau e Pol, a hanot a tena titol ana Wakak a Warwara ning.

1 Timoti 4:16

Ur tai alar anuma lalaun pa anuma asasaer, ur tur rakrakai on diau. Anasa, ning ur toli larning, ur alaun pas u ot, pa la otleng ning la longor u.

1 Pita 4:11

Ning tik i kibas a artabar sur ir tena warawai, i wakak sur ir warawai arlar ot ana warwara ane God. Ning tik i kibas a artabar sur ir tena harnangai, i wakak sur ir harnangai taum ana rakrakai ning e God i saran tari tana, sur a tarai lar atong aleklek pas e God ana ututnala rop, anasa o e Iesu Karisito. Anunai ka a matatar pa a rakrakai, bel ir rop pa bel ir rop. Amen.

1 Pita 5:11

A rakrakaina ir kes tikin. Amen.

A Pas ane Jut 1:25

Takai ka a God pa i anundala a Tena Alaun, anasa ana minat e Iesu Karisito anundala a Leklek. Anunai ot a matatar, a keskes a leklek, a rakrakai pa a warkurai, tagun na raula ning ka rop, pa onone, pa bel ir rarop. Amen.

Tatatai 1:6

pa i akes dala sur dalar warkurai taum onoi pa sur dala na tena artabar tetek e Tamana, esining anuna God. Dala na tena artabar sur dalar titol tetek e God. A matatar pa a rakrakai rop i kes o e Iesu Karisito, bel ir rop pa bel ir rop. Amen.

Tatatai 13:8

Pa la rop te na rakrakan hanua, ning a risanla bel i kes ting na buk a lalaun, lar lotu tetek a rokoio a inagoi. A buk a lalaun ne, anuna Nat a Sipsip, ning di um kol seni, di ka tumus tari ning e God belot i akes a rakrakan hanua.

Tatatai 5:1

Lamur a oroi a buk ting na sot a kuna esaning i kes ana keskes a king. A buk ning di ka hin tari, di ka tumtumus rop tar ana naur a risna, pa di ka bulit alar tari ana mais a bulit.

Tatatai 5:12

La saksak ana tnan elngenla larne, “I tostos kol sur a Nat a Sipsip ning di um kol tari ir tong akes a warkurai, a galis a gongon, a tastasmai pa rakrakai. Pa i tostos kol ning dir hanrawai i, dir aitna pasi pa dir atong aleklek pasi!”

Tatatai 5:3

Bel tik saot na langit, pa te lapiu, pa tingui na piu i tolsot pasi suir pak a buk ning, o ir oroi i.

Tatatai 5:6

Lamur a oroi a Nat a Sipsip, i tai arlar larning di ka um kol tari, i tur napir a keskes a king, pa diat a lalaun na akakes taum ana ningnigola la tur talilis pasi. A Nat a Sipsip ning, mais a komna, pa mais a kalso matana. La ning, mais a inguna e God, ning i sune sen la ute na rakrakan hanua rop.

Tatatai 5:9

Pa la saken a tona saksak larne, “U ot u tostos sur ur kibas pas a buk pa ur pilik sen na bulit kusuni, anasa di um kol u, pa u lou lingir pas a tarai tetek e God ana sulukim, a tarai tagun a mangis a tarai rop, a tarai tagun na urmatana ngas a warwara rop, a tarai mite na hananuala rop pa a tarai tagun a matanitula rop.

Tatatai 6:16

Pa la woiwoi tetek na tatatnan hatat pa na mangir mang, “Mulor punga alar mila, pa mulor bunur mila kusun a patarna esaning i kes ana keskes a king, pa kusun a balakut ana Nat a Sipsip!