Tatatai 22:7 - Label

⁷ E Iesu i atongi mang, “Oroi, milau ma ar hanot! Esining i mur a warwara na propet mite na buk ne, i angis.”

Tatatai 22:7 ပူးပေါင်းရင်းမြစ်များ

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 1:3

Esining ir was a warwarala na propet ne ir angis, pa la otleng ning lar longori pa lar muri, la otleng lar angis, anasa a taem ning a ututnala ne ir hanot ka milau.

Tatatai 16:15

“Oroi i, ar hanot lar a tena kinkinau. Esining i kes na tai alar pa i sang anun na kaenla, i angis, sur bel ir mengere pa bel ir meme.”

Tatatai 2:16

Mulor lingir a nuknukimulo! Ning bel, ar hanot kapit tetek mulo, par harum taum onla ana liwan a harum ning kane na pahak a gom pasi.

Tatatai 22:12

E Iesu i atongi mang, “Oroi, milau ma ar hanot! Ar hanot taum ana arlou, par tokom a tarai rop arlar ot ana nunla na titol taktakai.

Tatatai 22:18

A atumarang la rop ning la longor a warwara na propet mite na buk ne: Ning tik ir tugus tar ta warwara masik ona warwara na propet ne, e God ir tugus tar otleng na akadik teteki, ning di ka warwara talapor tar ono, te na buk ne.

Tatatai 22:19

Ning tik ir kepsen ta warwara mite na buk na propet ne, e God otleng ir kepsen anuna tiniba kusuni, anuna tiniba miting na rakai a lalaun, pa totoh a hanua ane God, ning di ka warwara talapor tar onoi te na buk ne.

Tatatai 22:20

Esaning i warwara talapor ana ututnala ne i atongi mang, “Momol, milau ma ar hanot.” Amen. Han ute a Leklek e Iesu.

Tatatai 22:21

A marmaris anuna Leklek e Iesu ir kes tetek a tarai rop ane God. Amen.

Tatatai 3:11

Milau kama ar hanot. Mulor tong arakrakai tar asaning mulo ka kibas pasi, sur gong tik i kibas anumulo a arlou, ning e God ir saran tari tamulo, larning di saran tar a arlou tan tik ning i tolsot pas a arsoksok.

Tatatai 3:3

I maining mulor nuk pas a asaer ning mulo ka kibas pasi pa mulo ka longor tari, mulor longor ono pa mulor lingir a nuknukimulo. Ika ning bel mulor mata, ar hanot tetek mulo arlar ana tena kinkinau pa bel mulor tasmani nangse ar hanot tetek mulo.