Tatatai 22:2 - Label

² I saler potor a tnan ngas ting na hanua ning. A rakai a lalaun i tur ting na naur a ris a malum ning. I sira wai ning a bonot pa naur a maskana wana. Ana kalangla rop, i sira wai, ning a bonot pa naur a kalang ana taktakai rau. Pa pakanala la sira alangolango na tarai miting na matanitula kusun a tinsamanla.

Tatatai 22:2 ပူးပေါင်းရင်းမြစ်များ

Luk 4:18

“A inguna Leklek i kes hok, anasa ka aslang pas iau sur ar warawai ana wakak a warwara tana kapan a tarai. I sune iau sur ar warawai mange, dir paksen la ning di dot akes tar la, dir apalpalas ulak la ning a matanla i kut, pa dir alangolango la ning la kilang a mamahatla ning di tol tari onla,

1 Pita 2:24

E Karisito ot i kibas pas anundala na toltol laulau ana palaona ning i mat saot na rakai kutus, sur dalar mat kusun a toltol laulau, pa dalar laun sur a tostos a toltol. Pa ana hirua ting na palaona, i alangolango pas mulo.

Tatatai 2:7

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, ar malmaling pasi suir hangan miting na rakai a lalaun, ning kaning na Paradais ane God.

Tatatai 21:21

Takai a bonot pa naur a taman, di toli ana kiau a kabolkabolla. Ning a taman ning a kiau a kabolkabol. A ngas ting na hanua di toli ana gol rop ka, i tai solsol arlar ana galas.

Tatatai 21:24

A tarai miting na matanitula rop lar han ana talaporna, pa kingla mite na rakrakan hanua lar los kas anunla na matatar usaot teteki.

Tatatai 22:1

Lamur a angelo i asangan iau a malum a lalaun, ning i talapor arlar ana galas. I saler ot miting na keskes a king ane God, anundiau taum ana Nat a Sipsip.

Tatatai 22:14

“La ning la gos anunla na kaen, la angis, pa i tostos sur lar hangan miting na rakai a lalaun pa lar kas ting na taman a woroh na hanua ning.

Tatatai 22:19

Ning tik ir kepsen ta warwara mite na buk na propet ne, e God otleng ir kepsen anuna tiniba kusuni, anuna tiniba miting na rakai a lalaun, pa totoh a hanua ane God, ning di ka warwara talapor tar onoi te na buk ne.