Tatatai 22:19 - Label

¹⁹ Ning tik ir kepsen ta warwara mite na buk na propet ne, e God otleng ir kepsen anuna tiniba kusuni, anuna tiniba miting na rakai a lalaun, pa totoh a hanua ane God, ning di ka warwara talapor tar onoi te na buk ne.

Tatatai 22:19 ပူးပေါင်းရင်းမြစ်များ

Luk 11:52

Ir laulau kol tetek mulo a tena asaerla tagun a warkurai, anasa mulo kepsen sen a ki na taman a tastasman. Mulo ot bel mulo kas tingui, pa mulo sairas la ning la mang sur lar kas tingui.”

Tatatai 1:3

Esining ir was a warwarala na propet ne ir angis, pa la otleng ning lar longori pa lar muri, la otleng lar angis, anasa a taem ning a ututnala ne ir hanot ka milau.

Tatatai 11:2

Ika ur madek sen a pukna tumo lapiu na rumai a artabar, gong u mak tari. Anasa di ka saran tari tetek a tarai ning belsur a tarai ane God, pa lar pas dur a totoh a hanua ane God arlar ana diat a bonot pa naur a kalang.

Tatatai 13:8

Pa la rop te na rakrakan hanua, ning a risanla bel i kes ting na buk a lalaun, lar lotu tetek a rokoio a inagoi. A buk a lalaun ne, anuna Nat a Sipsip, ning di um kol seni, di ka tumus tari ning e God belot i akes a rakrakan hanua.

Tatatai 14:13

Lamur a longor a elngen takai misaot na langit i atongi mang, “Ur tumus a utna ne: La ning la ka mat ana tortorot ana Leklek turpasi anone pa lamur, la angis.” A Talngan Tabu i atongi mang, “Momolna, lar manah kusun anunla a titolla, anasa anunla a wakak a titolla ir han taum on la.”

Tatatai 2:11

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, a munaur a minat bel ir alaulau i.

Tatatai 2:26

Esining i tolsot pas a harum, pa i tolsot pas a nuknukik tuk ana araropna, ar saran tar a warkurai tana larot a warkurai ning e Tata i saran tari tak, suir warkurai a tarai miting na matanitu rop. ‘Ir warkurai rakrakai la ana bulse na aen, pa ir miren la arlar ning di pagal gingini a kuro ning di toli ona piopap.’ Buk Song 2:9

Tatatai 2:7

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, ar malmaling pasi suir hangan miting na rakai a lalaun, ning kaning na Paradais ane God.

Tatatai 21:2

Pa oroi a tona Jerusalem, a hanua ane God, i han purum misaot na langit kusun e God. Di ka sang tari larning di ka amermer wakak tar a hane sur anuna barsan sur diar taulai.

Tatatai 21:5

Pa esaning i kes ana keskes a king i atongi mang, “Oroi, onone a atona ututnala rop!” Pa i atongi otleng mang, “Ur tumus akes a warwarala ne, anasa a warwarala ne la momol pa i tolsot pasi sur dir tortorot ono.”

Tatatai 22:12

E Iesu i atongi mang, “Oroi, milau ma ar hanot! Ar hanot taum ana arlou, par tokom a tarai rop arlar ot ana nunla na titol taktakai.

Tatatai 22:2

I saler potor a tnan ngas ting na hanua ning. A rakai a lalaun i tur ting na naur a ris a malum ning. I sira wai ning a bonot pa naur a maskana wana. Ana kalangla rop, i sira wai, ning a bonot pa naur a kalang ana taktakai rau. Pa pakanala la sira alangolango na tarai miting na matanitula kusun a tinsamanla.

Tatatai 22:7

E Iesu i atongi mang, “Oroi, milau ma ar hanot! Esining i mur a warwara na propet mite na buk ne, i angis.”

Tatatai 3:12

Esining i tolsot pas a harum, ar aturi sur i a pos a rumai a artabar anuna God anuki pa bel ir purum ulak kusuni. Pa ar tumus a risan a God anuki ono, pa risan a hanua anuna God anuki, a tona Jerusalem, ning ir han purum misaot na langit kusun a God anuki. Pa ar tumus tar otleng a tona risak ono.

Tatatai 3:21

Esining i tolsot pas a harum, ar malmaling sur miar kes taum ana nuk a keskes a king, larning a tolsot pas a harum, pa a kes taum o e Tata ana nuna keskes a king.