Tatatai 21:23 - Label

²³ A hanua ning bel i kapan sur a kamis pa a kalang diar atalapori, anasa a matatar ane God ot i atalapori, pa Nat a Sipsip i ot, a lam onoi.

Tatatai 21:23 ပူးပေါင်းရင်းမြစ်များ

Matiu 16:27

Anasa a Nat a Barsan ir hanot taum ana matatar anun e Tamana, la taum ana nuna angelola, pa ir saran arlou tetek a tarai taktakai arlar ana nuna titol.

A Wakak a Warwara o e Iesu Karisito i tumusi 8:38

Pa tik ning ir meme hok pa anuk na warwara namatana taun taraila ning anunla lalaun i bakbak kusun e God pa la sira tol a toltol laulau, a Nat a Barsan otleng ir meme ono ning ir hanot taum ana nuna angelola pa a matatar anune Tamana.

Luk 2:32

A talapor ning ir atalapor anuma ngas tetek la ning bel a tarai Israel, a talapor sur a matatar tetek anuma tarai Israel.”

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

Jon 1:18

Bel tik i oroi tar e God tuk onone. Ika e Natnalik ka, takai sot ka, i kes taum o e Tamana, i asangan e God tetek dala. Pa i ot e God.

Jon 1:4

A lalaun i kes onoi, pa a lalaun ning, i a talapor anuna taraila rop.

Jon 1:9

Anasa a talapor momol ning ir atalapor a taraila rop, ir hanot ute na rakrakan hanua.

Jon 17:24

“Tata, la ning u ka saran tar la tak, a mang sur lar kes taum hok ting na hanua ning ar kes ia, sur lar oroi anuka matatar, ning u saran tari tak, anasa u mang sur iau nating ot ning belot di akes a rakrakan hanua.

Jon 5:23

sur a taraila rop lar hanrawai e Natnalik larning la hanrawai e Tamana. Esining bel i hanrawai e Natnalik, bel i hanrawai e Tamana otleng, ning i sune i ute.

Aposel 22:11

La ning mila armuri la tong benben otnan iau utumo e Damaskus, anasa a matak i kut ana rakrakai a talapor.

Tatatai 14:4

La ne bel la dur, anasa bel la borbor taum ana gurarala. La mur a Nat a Sipsip ting na pukpukna ning i sira han ia. Arpotor tana taraila te na rakrakan hanua di lou langolango pas la. Di saran la tetek e God pa tetek a Nat a Sipsip, arlar ana ningnigo na wana ning di sira sarani ta e God.

Tatatai 18:1

Lamur tana utna ne, a oroi ning a angelo maleng i han purum misaot na langit. I tong akes a rakrakai a warkurai pa anuna matatar i atalapor a rakrakan hanua.

Tatatai 21:11

I sasai ana matatar ane God, a talaporna i pilpil arlar lar a wakak a hat ning a matana i abit, di atongi ana jaspa, pa i talapor arlar ana galas.

Tatatai 21:25

Bel ma ta pukakiar ulak ning na taman lar tagar, anasa bel ma ir morom ulak tingia.

Tatatai 22:5

Bel ulak ma ta morom. Bel lar kapan sur a talapor ana lam pa talapor ana kamis, anasa a Leklek e God ot ir saran a talapor tanla. Pa lar warkurai arlar ana king, bel ir rop pa bel ir rop.

Tatatai 5:6

Lamur a oroi a Nat a Sipsip, i tai arlar larning di ka um kol tari, i tur napir a keskes a king, pa diat a lalaun na akakes taum ana ningnigola la tur talilis pasi. A Nat a Sipsip ning, mais a komna, pa mais a kalso matana. La ning, mais a inguna e God, ning i sune sen la ute na rakrakan hanua rop.

Tatatai 7:17

Anasa a Nat na sipsip ning i kes na arpotor a keskes a king, ir hanot anunla a tena tai alar. Ir nigon la sur na matmatana malum a lalaun. Pa e God ir sah sen na luru matanla rop.”