Tatatai 2:19 - Label

¹⁹ A tasman a titolla ning mulo toli, anumulo na marmaris, anumulo na tortorot, anumulo na titol na harnangai pa numulo na tuntunur rakrakai ning mulo kilang a kankan. Pa tasmani mang anumulo na titol anone, la itna kol tana anumulo na titol ning mulo toli nating.

Tatatai 2:19 ပူးပေါင်းရင်းမြစ်များ

Luk 1:23

Ning ka rop anuna pukakiarla na titol, i ulak sur anuna hanua.

Jon 15:2

I ting arop sen a rakrakanala hok ning bel la wai, pa i buri sen la rop ning la wai, sur lar wai kol.

Kolosi 3:14

Saot na toltolla rop ne, i wakak ning mulor mermer ana marmaris artalai mulo. A marmaris i dat taum a toltolla rop ne, sur lar titol taum wakak.

1 Tesalonika 3:6

Ika onone e Timoti ka ulak kusun mulo tingia ute tetek miau. I abaran a wakak a warwara talapor o mulo tetek miau, ana numulo a tortorot pa anumulo a marmaris. I atai miau mang mulo sira gas ning mulo sira nuk ulak pas anundala keskes taum nating, pa mulo mang kol sur mulor oroi mitol, larning mitol otleng mitol mang kol sur mitol ar oroi mulo.

2 Tesalonika 1:3

Na tastasimitol, i wakak sur mitol ar sira atong wakak tetek e God o mulo. I tostos ning mitol toli larning, anasa anumulo a tortorot i gomo, pa i gomo rakrakai, pa a marmaris artalai tetek mulo otleng i gomo amon.

1 Timoti 1:5

A atongi manglarning, sur a marmaris ir itna artalai na arpotor in dala. A marmaris ning i han miting na totoh na balandala, pa a nuknukindala ning bel ta rongo namata e God, pa tortorot momol.

1 Pita 4:8

Ine a utna ning i leklek kol tan a ututnala rop, mulor mang artalai sur mulo ana momol, anasa a marmaris i poroi a galis a toltol laulau.

2 Pita 1:7

Pa mulor palataum a toltol ning e God i mang suri taum ana marmaris tetek na tastasimulo ana tortorot. Pa mulor palataum a marmaris ning taum ana marmaris otleng tetek a taraila rop.

2 Pita 3:18

I wakak sur mulor gomo tingui na marmaris ane Iesu Karisito anundala a Leklek pa Tena Alaun, pa mulor gomo otleng ana numulo a tastasmai onoi. Anunai ot a matatar, onone pa lamur pa bel ir rarop! Amen.

Tatatai 2:13

A tasman a hanua ning mulo kes ia, a hanua ning e Satan i kes na king ia. Ika mulo tur rakrakai ana risak. Anumulo a tortorot bel i han masik kusun iau, ning di um kol e Antipas. Esaning anuka momol a tena warwara talapor, ning di um koli ting na numulo a hanua, ning e Satan i kes ia.

Tatatai 2:9

A tasman a kankan ning i monong mulo, pa anumulo a kapan a keskes, ika mulo kes na leklek ot! A tasman a warwara laulaula ning dingla na tarai la atongi o mulo. La ning, la atongi mang la na te Juda, ika belsur la na te Juda, la tarai ane Satan.