Tatatai 19:16 - Label

¹⁶ Ting na nuna kaen pa ting na kinwar a hana, di ka tumus tar a risana larne, A King anuna kingla pa Leklek anuna leklekla.

Tatatai 19:16 ပူးပေါင်းရင်းမြစ်များ

Matiu 25:40

“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’

1 Timoti 6:15

Ning a taem ir sot, e God ot ir sune seni sur ir ulak. E God takai sot ka a tnan Tena warkurai pa i ngis tikin, a King anuna kingla, pa a Leklek anuna leklekla.

Tatatai 1:5

pa ta e Iesu Karisito, i a momol a tena warwara talapor o e God, a ningnigo tanla ning lar laun ulak kusun a minat, pa a ningnigo anuna kingla te na rakrakan hanua. I maris dala, pa i alangolango pas dala kusun anundala na toltol laulau ana sulukna,

Tatatai 17:14

Lar harum taum ana Nat a Sipsip, ika a Nat a Sipsip ir tolsot pas la, anasa i a Leklek anuna leklekla, pa a King anuna kingla. Pa la ning ka aslang pas la pa ka kabah pas la pa la tortorot momol teteki, lar tolsot taum onoi.”

Tatatai 2:17

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, ar tabari on ta mana ning i kes kumna. Pa ar saran tar otleng a kokok a hat di ka tumus tar a tona rising ono, ning bel tik i tasmani. I sot ka, ning ar saran tar a hat ne tana ir tasmani.