Tatatai 18:9 - Label

⁹ “Na king mite na rakrakan hanua, ning la tol a laulauna taum ana pamuk a hane ning, pa la ka kibas taum a nuna na gongon miting na nuna keskes na leklek, ning lar oroi a sasawan na iah ning di tun a hane ning ono, lar bal maris pa lar tangis.

Tatatai 18:9 ပူးပေါင်းရင်းမြစ်များ

1 Timoti 5:11

Pa a laola ning la rakrakai ot, gong u tumus akes a risanla. Anasa, ning a nuknuk a taulai ir hanot onla, lar han masik kusun e Karisito.

Tatatai 14:11

Pa a sasawan ana nunla na kankan ir sasawan kas, bel ir rop pa bel ir rop. La ning la lotu tetek a rokoio a inagoi pa manarna, pa la ning a akinalang ana risana kaning on la, bel lar manah ana kamisla pa moromla.”

Tatatai 17:2

Na king mite na rakrakan hanua la tol a laulau taum onoi. Pa tarai miting na rakrakan hanua la sipak ona wain ana pamuk a toltol anunai.”

Tatatai 18:18

Ning lar oroi a sasawan na iah ning di tun e Babilon ono, lar woiwoi mang, ‘Esi na hanua i arlar taum ana wakak a hanua ne i itna kol?’

Tatatai 18:20

Mulo saot na langit, mulor gas ono! Pa tarai ane God pa na aposel pa na propet, mulor gas! E God i saran a warkurai a arkeles teteki ana ututnala ning i toli o mulo.’”

Tatatai 18:3

Ka punga, anasa na tarai miting na matanitu rop la ka gang pas a rakrakai a wain ana nuna pamuk a toltolla. Na king mite na rakrakan hanua la tol a pamuk a toltol taum onoi. Pa na tena siusiurai mite na rakrakan hanua la leklek ana galis a gongon miting na nuna keskes na leklek.”

Tatatai 18:7

Dir saran a tnan kankan pa a tnan bal maris tana, ir galis arlar ana tnan matatar pa a keskes na leklek ning i tong akesi. I nuki ono i ot mang, ‘Iau a kwin, pa a kes ana nuk a keskes a kwin. Bel iau a lao, bel ar bal maris lar pas.’

Tatatai 19:3

Pa la kukukuk ulak mang, “Haleluia! Pa sasawan a hane ning i han kas usaot bel ir rop pa bel ir rop.”

Tatatai 2:22

Oroi, ar saran a tnan tinsaman tana pa ir sira borbor ka ana logo ngasna. Pa la otleng ning la tol a pamuk a toltol taum ono, pa bel la lingir a nuknukinla kusun na toltol ane Jesabel, ar saran a rakrakai a kankan tetek la.