Tatatai 18:6 - Label

⁶ A toltol ning i toli tetek mulo, dir toli ulak teteki, a utna ning i tol tari tetek mulo, dir kelesi arlar ana naur a dihna teteki. A kap ning i agang tar mulo onoi, dir abukus tari ana naur a dihna sur dir agangi onoi.

Tatatai 18:6 ပူးပေါင်းရင်းမြစ်များ

2 Timoti 4:14

E Aleksanda, a tena tol utna ana aen, i tol a galis a toltol laulau tetek iau. A Leklek ot ir kelesi teteki.

Tatatai 13:10

Ning e God i malmaling sur tik ir dodot, ir dodot ot. Ning i malmaling sur dir um kol tik ana liwan a harum, dir um koli ot onoi. Manglarning, a tarai ane God lar tur rakrakai pa lar tortorot.

Tatatai 14:10

i otleng ir gang ting na wain a balakut ane God. A wain ne di ka sang tari, a rakrakaina i itna kol, pa di peki ting na kap a balakut ane God. Dir akadiki ana iah pa salfa salanigo tana Nat a Sipsip pa na totoh a angelo ane God.

Tatatai 16:19

A tnan hanua Babilon i tapagal sur natol, pa na tatatnan hanua anuna tarai miting na matanitula, la tarege rop. E God i nuk pas a tnan hanua Babilon pa i agang la ana wain i bukus ana ngalngaliah a balakut anunai.

Tatatai 17:2

Na king mite na rakrakan hanua la tol a laulau taum onoi. Pa tarai miting na rakrakan hanua la sipak ona wain ana pamuk a toltol anunai.”

Tatatai 17:4

A hane ning, i mermer ana kaen i pepol pa i kubar otleng, pa di amermeri ana gol pa a wakak a hatatla ning a matanla i abit, pa na wakak a kabaruruan. Ting na kuna i tong a kap ning di toli ana gol. I bukus ana laulau a ututnala pa na dur a toltol miting na nuna pamuk a toltol.

Tatatai 18:20

Mulo saot na langit, mulor gas ono! Pa tarai ane God pa na aposel pa na propet, mulor gas! E God i saran a warkurai a arkeles teteki ana ututnala ning i toli o mulo.’”