Tatatai 17:5 - Label

⁵ Di tumus tar a risana ting na patarna, a utna na pidik larne, A tnan hanua babilon, A kabatnan a pamuk a hanela pa na laulau a toltol kol anuna rakrakan hanua.

Tatatai 17:5 ပူးပေါင်းရင်းမြစ်များ

Pilipai 3:19

La han ka sur a hirua, asaning a palaonla i mang suri la muri ka. La aunan la ana toltolla ning di sira meme onoi. A nuknukinla i kes ka sur a ututnala mite lapiu.

2 Tesalonika 2:7

A rakrakai ana toltol na kutus warkurai kane ka titol kumna te na rakrakan hanua. Ika, esaning i sairas tari, i sairasi ot kaba, tuk ana pukakiar ning dir los maskan seni.

Tatatai 1:20

Ine a kamkama ututnala na pidik ana mais a nangnang ning u ka oroi tari te na sot a kuk, pa mais a turtur a lam na gol: A mais a nangnang i tur aslang a angelola anuna tarai a lotu ting na mais a hanua, pa mais a turtur a lam i tur aslang a tarai a lotu ting na mais a hanua.

Tatatai 11:8

Pa a minatindiau ir borbor ka ting na ngas ana tnan hanua di atong arlari o e Sodom pa e Ijip, a hanua ning di sai ahat otleng anundiau a Leklek ia.

Tatatai 14:8

A munaur a angelo i mur pa i atongi mang, “A tnan hanua Babilon ka punga! Ka punga! Esaning i agang a tarai miting na matanitu rop ana rakrakai a wain ana pamuk a toltol anunai.”

Tatatai 16:19

A tnan hanua Babilon i tapagal sur natol, pa na tatatnan hanua anuna tarai miting na matanitula, la tarege rop. E God i nuk pas a tnan hanua Babilon pa i agang la ana wain i bukus ana ngalngaliah a balakut anunai.

Tatatai 17:1

Takai miting na mais a angelo ning la tong mais a besen i han tetek iau pa i atai iau mang, “Han ute, ar asangan tar u ana warkurai na arkeles tetek a pamuk a hane ning a risana i han sarara ana nuna a toltol laulau. Kaning i kes saot na malumla.

Tatatai 17:2

Na king mite na rakrakan hanua la tol a laulau taum onoi. Pa tarai miting na rakrakan hanua la sipak ona wain ana pamuk a toltol anunai.”

Tatatai 17:7

Pa angelo i atai iau mang, “Asa kamkamna ning u kulkulan? Ar pak a kamkama hane, pa a rokoio a inagoi ning i kes tar saot onoi, ning mais a pukulna pa ning a bonot a komna.

Tatatai 18:2

Pa i woiwoi ana tnan elngena mang, “A tnan hanua Babilon ka punga! Ka punga! I hanot a pukna ana motla, pa a rumai a mumun anuna laulau a ingunla, pa a rumai a mumun anuna manila ning la dur pa a rumai a mumun anuna inagoila ning la dur pa la bilbilor.

Tatatai 18:21

Pa ning a rakrakai a angelo i kibas pas a tnan hat, i itna arlar ana hat ning di sira gini a witla ono, pa i minggen parung seni salatasi pa i atongi mang, “Dir minggen tosngen sen a tnan hanua Babilon arlar ana hat ne, pa bel ulak ma dir oroi i.

Tatatai 19:2

anasa anuna warkuraila i momol pa i tostos. Ka warkurai a pamuk a hane ning a risana i han sarara ana nuna toltol laulau, esaning i alaulau a rakrakan hanua ana nuna na pamuk a toltol. E God ka saran tar a warkurai a arkeles teteki, anasa ana suluk anuna tena titol orosla, ning i um kol sen la.”

Tatatai 7:3

I atongi larne, “Gong mulo alaulau na hanua, pa puka tasi pa na rakai, tuk ning milar suah tar a akinalang ting na patar a tena titol orosla ane God anundalai.”