Tatatai 13:8 - Label

⁸ Pa la rop te na rakrakan hanua, ning a risanla bel i kes ting na buk a lalaun, lar lotu tetek a rokoio a inagoi. A buk a lalaun ne, anuna Nat a Sipsip, ning di um kol seni, di ka tumus tari ning e God belot i akes a rakrakan hanua.

Tatatai 13:8 ပူးပေါင်းရင်းမြစ်များ

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

Luk 10:20

Ika, gong mulo gas anasa a motla la longor ta mulo. Mulor gas, anasa di ka tumus tar a risamulo saot na langit.”

Jon 1:29

Ning a pukakiar lamur, e Jon i oroi pas e Iesu i han amon teteki, pa i atongi mange, “Mulo oroi i, a Nat a Sipsip ane God, ning ir kepsen a laulau a ginina rakrakan hanua.

Epeses 1:4

E God ka aslang pas dala, ning dala ane Karisito, nating ot ning belot i akes a rakrakan hanua, sur dala totoh, pa bel dir arup sot pas dala on ta rongo namatana.

Pilipai 4:3

Pa u otleng ning a momol a tena titol taum hok, a nunung u sur ur nangan naur a hane ne, anasa dia titol rakrakai taum hok sur a Wakak a Warwara ir han sarara. Mila titol taum o e Kelemen, pa dingla na tarai otleng ning a risanla ka kes tar ana buk a lalaun.

Taitus 1:2

A tortorot ning, pa a momolna ning, i hanot miting na keskes harnanai ana tortorot sur a lalaun tikin. A lalaun tikin ning e God i lele tar onoi, ning belot i akes a rakrakan hanua. Pa e God bel i sira asongo.

Tatatai 12:15

A soi i lewe sen a malum miting na pahana, arlar ana malum, suir los sen a hane ning.

Tatatai 13:12

I titol ana warkurai rop miting na ningnigo na rokoio a inagoi, suir nangani, sur a rakrakan hanua, pa la ning la kes teia, lar lotu tetek a ningnigo na rokoio a inagoi, ning a masik a minat kaning onoi ka mah ulak.

Tatatai 17:8

A rokoio a inagoi ning u oroi tari, i laun pas nating, pa bel i laun anone, pa lamur ir hanot ulak miting na tnan tung ning bel ta araropna, pa ir han suir hirua. Pa a tarai te na rakrakan hanua ning bel di tumus a risanla ana buk a lalaun, turpasi ning e God i akes a rakrakan hanua, lar kulkulan ning lar oroi a rokoio a inagoi ne. Anasa i laun pas nating, pa bel i laun anone, pa lamur ir hanot ulak.

Tatatai 21:27

Bel ta dur a utna ir kas tingui na hanua ning, pa bel tik ning i sira tol a ututnala na meme pa bel tik otleng ning i sira asasongo. La ka, ning di ka tumus tar a risanla ting na buk a lalaun ana Nat a Sipsip lar kas.

Tatatai 3:10

Ning a tnan larlar ir hanot te na rakrakan hanua rop, suir lar la ning la kes te lapiu, ar tai alar mulo ana pukakiar ning, anasa mulo mur anuka warkurai sur mulor tur rakrakai ning mulo kilang a kankan.

Tatatai 3:20

Oroi, a tur ting na taman pa a pinpidir. Ning tik ir longor a elngek pa ir sapang a taman, ar kas teteki, pa ar hangan taum onoi, pa i, ir hangan taum hok.

Tatatai 3:5

Esining i tolsot a harum, ir mermer larne ana kokok a kaen. Pa bel ar kepsen a risana miting na buk a lalaun, par atong puasa i namatana e Tata pa anuna angelola.

Tatatai 5:12

La saksak ana tnan elngenla larne, “I tostos kol sur a Nat a Sipsip ning di um kol tari ir tong akes a warkurai, a galis a gongon, a tastasmai pa rakrakai. Pa i tostos kol ning dir hanrawai i, dir aitna pasi pa dir atong aleklek pasi!”

Tatatai 5:13

Pa a longor na elngen na akakes rop saot na langit pa te na rakrakan hanua pa tingui na piu pa tingui na puka tasi, a ututnala rop ning di akes la, la saksak larne, “Tetek esaning i kes ana keskes a king, pa tetek a Nat a Sipsip, dalar atong aitna pas diau, dalar hanrawai diau pa dalar aitna pas diau. Pa diar tong akes a rakrakai, bel ir rop pa bel ir rop.”

Tatatai 6:1

A oroi ning a Nat a Sipsip i pilik sen a ningnigo na bulit miting na mais a bulit kaning na buk. A longor ning a halin diat a lalaun na akakes i arkabah ana elngena i arlar ana pungpugur mang, “Han ute!”