Taitus 3:15 - Label

¹⁵ La rop ning la kes taum hok, la saran anunla na marmaris tetek u. Ur saran anumila a marmaris tetek a halalimila ana tortorot. A marmaris ane God ir kes taum o mulo rop.

Taitus 3:15 ပူးပေါင်းရင်းမြစ်များ

Matiu 5:47

Ning mulo gas pas ka sur na halalalimulo, mulor wakak kol tan a tarai masikla mangmangasa? A tarai otleng ning bel la tortorot la gasgas pas ka sur na halalalinla, gepi?

Aposel 20:34

Mulo ot mulo tasmani mang a titol ot ana naur a kuk sur a ututnala ning i topas iau, pa la otleng ning mila armuri.

1 Korin 16:23

A marmaris anuna Leklek e Iesu ir kes taum o mulo.

Galesia 5:6

Ning dala kes o e Karisito Iesu, ning di kot talilis tik, o bel di kot talilisi, i utna oros ka namatana e God. Ika, a utna ning i itna namatana e God, ning tik i tortorot, pa anuna tortorot i tol otnan a marmaris.

Kolosi 4:18

Siklik warwara na marmaris ne iau ot, e Pol, a tumusi ana kuk tetek mulo. Gong mulo duman tar iau, mulor nuk pas iau, ning a kes na dodot. A marmaris ane God ir kes taum o mulo.

1 Timoti 1:2

A tumus a pas ne tetek u e Timoti, a natuklik momol ana tortorot. A marmaris pa a wakak a toltol taum ana bal molmol, ta e God a Tamandala pa e Karisito Iesu anundala Leklek, ir kes taum hom.

1 Timoti 1:5

A atongi manglarning, sur a marmaris ir itna artalai na arpotor in dala. A marmaris ning i han miting na totoh na balandala, pa a nuknukindala ning bel ta rongo namata e God, pa tortorot momol.

2 Timoti 4:22

A Leklek ir kes taum ana ingum. A marmaris ane God ir kes tetek mulo.

Pilimon 1:5

anasa a longori mang u mang sur a tarai rop ane God, pa u tortorot ana Leklek e Iesu.

Hibru 13:25

A marmaris ane God ir kes tetek mulo rop.

3 Jon 1:1

Iau, e Jon, a ningnigo, a tumtumus tetek u, a halik e Gaius, ning a mang kol sur u ana momolna.