A Pas ane Pol tetek a tarai Rom 9:5 - Label

⁵ La na kaba tarai e Abaram, Aisak pa e Jekop. Pa ning e Karisito i hanot a barsan momol, i hanot onla. E Karisito i warkurai a ututnala rop, pa i ot e God. Dalar atong alekleki, onone pa lamur pa bel ir rarop. Amen.

A Pas ane Pol tetek a tarai Rom 9:5 ပူးပေါင်းရင်းမြစ်များ

Matiu 28:20

Pa mulor asaer la sur lar mur a warwarala rop ning ia ka atong tari ta mulo. Pa oroi, iau ar kes taum o mulo tuk ana araropna.”

Matiu 6:13

Gong u ben mila uting na arlam. Ur alaun mila kusun a Tena Laulau.’

Luk 20:44

E Dewit i atong a Karisito mang anuna Leklek. Ning larning, ditamanar mangasa?”

Jon 10:30

Miau ma e Tata, miau takai ka.”

Aposel 20:28

“Mulor tai alar wakak mulo ot, pa a kunum a sipsip otleng ning a Talngan Tabu ot i saran tari ta mulo sur mulor tai alar la. Mulor tai alar a tarai a lotu ane God, ning ka lou pas la ana sulukna ot.

Aposel 3:13

E God ot i toli. A God ane Abaram, Aisak pa e Jekop, e God anuna nundala mangis a tarai tagun nating, i aleklek e Iesu anuna tena titol. Mulo saran tari sur dir sai koli, pa mulo puain seni namatana e Pailat, ning i mang sur ir pak seni.

A Pas ane Pol tetek a tarai Rom 1:25

La keles sen a momolna o e God sur a asasongo. La lotu pa la nunung kama tetek a ututnala ning e God i akes tar la, pa bel ma la lotu tetek a Tena Akakes, i ning dir atong aleklek pasi onone pa lamur pa bel ir rarop. Amen.

A Pas ane Pol tetek a tarai Rom 1:3

A Wakak a Warwara i atai dala o e Natnalik, ning di agon pasi miting na mangis a tarai ane king Dewit.

A Pas ane Pol tetek a tarai Rom 10:12

I arlar rop ka tetek a tarai Juda pa tetek a tarai masik otleng: Takai ka a Leklek anundala rop. Pa ir angisngis la rop ning la nunung teteki.

A Pas ane Pol tetek a tarai Rom 11:28

A tarai Israel la na hirua ane God anasa bel la tortorot ana Wakak a Warwara, sur ir angis mulo a tarai masik. Ika, e God i maris kol la, anasa i aslang pas na tumtubunla.

1 Korin 14:16

Ning u atong wakak tetek e God ana ingum ana urmatana ngas a warwara, tik ning bel i talapor ana kamkama num a warwara, ir atong “Amen” mangmangasa? Anasa bel i tasman asaning u atongi.

2 Korin 11:31

E God, a Taman anundala a Leklek e Iesu Karisito, ning dala atong aleklek pasi onone pa lamur pa bel ir rarop, i tasmani ot mang a atong a momolna.

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

1 Timoti 6:15

Ning a taem ir sot, e God ot ir sune seni sur ir ulak. E God takai sot ka a tnan Tena warkurai pa i ngis tikin, a King anuna kingla, pa a Leklek anuna leklekla.

2 Timoti 2:8

Ur nuk pas e Iesu Karisito, esaning tagun a mangis a tarai ane Dewit pa i kamtur ulak kusun a minat. A Wakak a Warwara ning a warawai onoi ine.

Hibru 7:24

Ika e Iesu, i a tena artabar ning anuna titol ir kes tikin, anasa i laun tikin.

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.

Tatatai 1:18

Iau a lalauna. Ia ka mat pas, oroi i, ia ka laun tikin pa a tong akes a kila ana minat pa ana hanua Hedes, a hanua anunla ning la mat.

Tatatai 22:16

“Iau e Iesu, a sune sen anuka angelo suir saran a warwara talapor ne tetek mulo, a tarai a lotu ting na hananuala. Iau a wakir o e Dewit pa e tubuna, pa matlai ning i talapor kol.”

Tatatai 22:20

Esaning i warwara talapor ana ututnala ne i atongi mang, “Momol, milau ma ar hanot.” Amen. Han ute a Leklek e Iesu.

Tatatai 5:14

Pa diat a lalaun na utna la atongi mang, “Amen,” pa na ningnigo la punga hanrawai pa la lotu.