A Pas ane Pol tetek a tarai Rom 9:22 - Label

²² Mangotleng larning e God i toli tetek a tarai. I mang sur ir asangan anuna balakut pa rakrakaina. Ika kaning ot i harnanai, pa bel i saran kapit a arkeles tetek a tarai ning la kes nahai a balakut anunai, la ning la ka sang sur lar hirua.

A Pas ane Pol tetek a tarai Rom 9:22 ပူးပေါင်းရင်းမြစ်များ

A Pas ane Pol tetek a tarai Rom 1:18

E God i apuasa anuna balakut misaot na langit, tetek a tarai ning bel la hanrawai e God pa la tol a laulauna, pa ana nunla na toltol laulaula, la sairas a momolna.

A Pas ane Pol tetek a tarai Rom 9:17

Larning di ka tumus tari ting na Buk Tabu mang, e God i atongi tetek a king mitimo e Ijip mange, “A suah tar u sur king sur ar asangan a rakrakaik ning ar tolsot pas u, pa sur a taraila rop ana rakrakan hanua lar tasmani mang iau ka e God.” Kisim Bek 9:16

A Pas ane Pol tetek a tarai Rom 9:20

Esi u ning u nuki mang ur keles a warwara ane God? U a barsan ka u. Ning tik i tol ta kuro ana piopap, mangmangasa, a kuro ning i topasi sur ir atongi tetek esaning i toli mang, “Asa kamkamna ning u tol iau larne?”

A Pas ane Pol tetek a tarai Rom 9:21

Ning a tena toltol kuro i mang sur ir tol ir naur a kuro tagun ning a diah piopap ka, ir mur ot a nuknukna. Ir tol ta wakak a kuro sur a tatatnan ngasala, pa tik otleng sur a pukakiarla oros ka.

1 Tesalonika 5:9

Anasa e God bel i aslang pas dala sur dalar kilang kankan tingui na nuna balakut. I aslang pas dala sur anundala Leklek e Iesu Karisito ir alaun dala.

2 Timoti 2:20

Ona ning a tnan rumai, dingla na kap di tol la ana silwa pa ana gol, pa dingla otleng di tol la ana rakai pa ana piopap. Dingla na kap sur a tatatnan pukakiar ka, pa dingla otleng sur a dur a ututnala ka.

1 Pita 2:8

“A hat ning, a tarai lar buh a hanla onoi, pa lar punga onoi.” Ais 8:14 La buh a hanla onoi, anasa bel la longor ana warwara ane God. Ning la toli larning, anuna warwara ning ka atong tari nating i sot onla.

1 Pita 3:20

Na ingun ning, na ingun a tarai tagun nating ot ana raula ane Noa. E God i harnanai pas la sur lar lingir a nuknukinla, ning e Noa i tol a sip. Ika bel la longor teteki. Pa e God i alaun pasi kama a siwal la kusun a lomom.

2 Pita 2:3

Ana nunla na tnan nuknuk sur a mani, lar asongo tar mulo ana namnamin a warwara oros ka, sur lar kibas anumulo na mani. Ika anunla warkurai na arkeles, tagun nating ot i ka sang pa bel i borbor, pa milau ir hanot.

2 Pita 2:9

I maining a Leklek i tasman a ngas ning ir alaun pas a tarai ning la tol a toltol ning e God i mang suri, ting na mamahat ning ir barat la. Pa i tasman otleng a ngas ning ir akadik la ning bel la tol a tostos a toltol, ning la harnanai sur anunla na warkurai a arkeles ana pukakiar a warkurai.

2 Pita 3:15

Mulor nuk pasi, a Leklek belot i hanot, anasa i harnanai sur a taraila lar lingir a nuknukinla pa ir alaun pas la. A warwara ne, e Pol otleng, a tasindala, ka tumus tari nating tetek mulo. I tumusi ana tastasmai ning e God i saran tari tana.

A Pas ane Jut 1:4

A tumtumus, anasa dingla na tarai la ka kas kumna tar tetek mulo. Bel la mur a nuknuk e God, pa lar han tostos sur a hinirua, larot ning di ka tumus tari natnating ot ting na Buk Tabu. La lingir laulau a marmaris ane God, pa la atongi mang, “I wakak ka ning dalar tol na toltol a pamuk.” Pa la puain sen anundala a Ningnigo pa anundala Leklek, e Iesu Karisito, i takai sot ka.