A Pas ane Pol tetek a tarai Rom 8:29 - Label

²⁹ Lanigo ot e God ka tasman tar la ning anuna tarai. Pa ka aslang pas la otleng nating ot, sur lar hanot arlar o e Natnalik, sur i a ningnigo tana galis a tastasnala.

A Pas ane Pol tetek a tarai Rom 8:29 ပူးပေါင်းရင်းမြစ်များ

Matiu 12:50

Anasa esining i sira mur a nuknuk e Tata ning i kes saot na langit, i ka ning a tasik barsan, pa a tasik hane, pa e nang.”

Matiu 25:40

“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’

Matiu 28:10

Pa e Iesu i atai diau mang, “Gong mu matmataut. Mur han pa mur atai a tastasikla, sur lar han utumo e Galili, pa lar oroi iau tumo.”

Matiu 7:23

Ar keles la mang, ‘Bel a tasman mulo. Mulo na tena laulau, mulor han masik kusun iau.’

Jon 17:16

Bel la mite na rakrakan hanua, larning iau otleng, bel iau mite na rakrakan hanua.

Jon 17:19

A saran tar iau tam, sur la otleng anuma tarai momol, ana num a momolna.

Jon 17:26

Ia ka atalapor tar u tetek la, pa bel ar manah ana warwara tetek la, sur lar tasman u, pa marmaris ning u mang sur iau onoi, ir kes onla pa iau otleng kaning onla.”

Jon 20:17

E Iesu i atai i mange, “Gong u tong a palaok, anasa belot a han kas usaot tetek e Tata. Ika ur han tetek na tastasikla, pa ur atai la mang, ar han usaot tetek e Tata pa e Tamamulo, tetek anuka God pa anumulo a God.”

A Pas ane Pol tetek a tarai Rom 11:2

E God bel i gilam ris kusun anuna tarai ning nating ot ka tasman tar la. Mangmangasa, bel mulo tasman asaning a Buk Tabu i atongi o e Elaija? I ururai tetek e God ana tarai Israel ana toltol laulau ning la toli. I atongi mang,

A Pas ane Pol tetek a tarai Rom 13:14

Ika mulor mermer taum ana lalaun anuna Leklek e Iesu Karisito, pa gong mulo nuknuk sur ta ngas ning mulor agasgas a turai a lalaun.

A Pas ane Pol tetek a tarai Rom 9:23

I toli larning sur ir asangan anuna tnan matatar tetek a tarai ning la kes nahai a marmaris anunai. La ning i sang tar la nating ot sur lar kes taum onoi ana nuna matatar.

1 Korin 15:49

Dala kibas a manar a barsan ning e God i toli ana piu, pa lar otleng ning, dalar kibas a manar a barsan misaot na langit.

1 Korin 2:7

A tastasim ne mila warwara onoi, a tastasim ane God, ning nating i mumun tar pa onone ka hanot talapor. Ting na nuna tastasim, i sang tar a ngas sur ir saran a matatar tetek dala. Nating ot, ning belot i akes a rakrakan hanua, ka sang tari.

1 Korin 8:3

Ika, ning tik i mang sur e God, e God ka tasman a barsan ning.

2 Korin 3:18

Pa dala, ning bel di poroi alar a matandala ana ta diah kaen, dala apuasa a matatar ana Leklek. Pa anundala na lalaun i talingir amon sur dalar arlar o e Karisito, pa anuna matatar ir itna amon ting na nundala a lalaun. A matatar ne, tana Leklek ot, esaning a Inguna.

Epeses 1:11

Nating ot i aslang pas mila na tarai Juda, sur mila anuna tarai o e Karisito. A ututnala rop ning e God i sira toli, i toli arlar ot ana nuknukna.

Epeses 4:24

Pa mulor mermer taum ana tona lalaun ning e God i akes tari arlar ot ana manarna, sur mulor mur a tostos a toltol momol, pa mulor hanot a totoh a tarai ane God.

Pilipai 3:21

Ir keles pas a palaondala ning bel i rakrakai, sur ir arlar ana palaona, ning i bukus ana matatar. Ir kelesi ana rakrakaina, ning i titol onoi sur ir suah tar a ututnala rop nahai anuna warkurai.

Kolosi 3:10

pa mulo ka mermer pas ana tona lalaun. A tona lalaun ne, e God ot i saran tari ta mulo pa i sira atonai, sur mulor arlar ot ana manarna, pa mulor tasman momol e God.

2 Timoti 1:9

Ai ot ka alaun pas dala, pa ka kabah pas dala sur dala anuna totoh na taraila. Bel i kamkamna ana nundala wakak a titol. I kamkamna ot ana nuknukna, pa anuna marmaris, ning i saran tari tetek dala o e Karisito Iesu, nating ot ning belot i akes a rakrakan hanua.

2 Timoti 2:19

Ika, e God ka suah tar a kama tortorot ning bel ir gulgule, pa di ka tumus tar a warwara onoi mange, “A Leklek i tasman la ning anunai.” Namba 16:5 Pa di ka tumus tari otleng mange, “Esining i atongi mang ai anuna Leklek ir gilam kusun a toltol laulau.”

1 Pita 1:2

E God a Tamandala ka aslang pas mulo ning ka tasman nigon tar mulo, pa a Talngan Tabu i atotoh mulo, sur mulor longor tetek e Iesu Karisito, pa dir lamir mulo ana sulukna. A marmaris pa bal molmol ir kes tetek mulo, pa ir itna bolos.

1 Pita 1:20

E God ka aslang pasi nating ot ning belot i akes a rakrakan hanua, pa ana ararop a pukakiarla ne, ka hanot sur mulo.

1 Jon 3:2

Na halalik, onone dala na natnat e God, pa belot di atalapor dala mang lamur dalar mangmangasa. Ika dala tasmani mang, lamur ning e Iesu ir hanot, dalar arlar onoi, anasa dalar bot oroi momoli.

Tatatai 13:8

Pa la rop te na rakrakan hanua, ning a risanla bel i kes ting na buk a lalaun, lar lotu tetek a rokoio a inagoi. A buk a lalaun ne, anuna Nat a Sipsip, ning di um kol seni, di ka tumus tari ning e God belot i akes a rakrakan hanua.