A Pas ane Pol tetek a tarai Rom 7:21 - Label

²¹ A oroi a ngas a rakrakai ne i titol te na lalaun anuki: Ning a mang sur ar tol a wakakna, a laulauna kanet hok.

A Pas ane Pol tetek a tarai Rom 7:21 ပူးပေါင်းရင်းမြစ်များ

Luk 4:1

E Iesu i bukus ana Talngan Tabu. Ning i han mito na malum Jodan, a Talngan Tabu i nigoni uting na hanua bel.

Jon 8:34

E Iesu i keles la mange, “A atong momoli ta mulo, la rop ning la tol a laulauna, la na tena titol oros ana laulauna.

A Pas ane Pol tetek a tarai Rom 6:12

I maining, gong ulak ma mulo noren a palaomulo, ning i sira mat ka, sur ir kes nahai a rakrakai ana toltol laulau, sur gong mulo longor tana laulau a nuknuk ana palaomulo.

A Pas ane Pol tetek a tarai Rom 6:14

Anasa bel mulor kes nahai a rakrakai ana toltol laulau, anasa bel mulo kes nahai a Warkuraila. Onone mulo ka kes nahai a marmaris ane God.

A Pas ane Pol tetek a tarai Rom 7:23

Ika, ana palaok a oroi otleng ning a ngas a rakrakai, ning bel i mur a warkurai ane God. I harum taum ana wakak a warkurai te na nuknukik, pa i dot akes iau sur a didiah palaok i kes na dodot ana toltol laulau.

A Pas ane Pol tetek a tarai Rom 7:25

E God ot. A atong wakak teteki anasa i sune e Iesu Karisito anundala Leklek, sur ir alangolango pas iau. I maining, iau ot ana nuknukik iau a tena titol oros ana Warkuraila ane God, ika ana turai a lalaun iau a tena titol oros ana rakrakai a toltol laulau.

A Pas ane Pol tetek a tarai Rom 8:2

Anasa, ning a kes o e Karisito Iesu, a rakrakai ana Talngan Tabu, ning i sira saran a lalaun, i alangolango pas iau kusun a rakrakai ana toltol laulau ning i saran a minat tak.

Hibru 2:17

Ine a kamkamna ning e Iesu i hanot arlar ot ana tastasnala ana ututnala rop, sur ir ningnigo na tena artabar tetek e God pa ir titol ana marmaris pa momolna, pa ir saran anuna lalaun sur ir mat, pa e God ir kepsen a toltol laulaula anuna tarai, pa ir arop sen anuna balakut, ning nating kaning onla.

Hibru 4:15

I tasmani mang bel ta rakrakaindala sur dalar tolsot pas a toltol laulaula, pa i maris dala. Anasa di ka lar nigon tar e Iesu ana urmatana ngas a larlar rop ning di sira lar dala ono, ika bel i tol ta toltol laulau.

2 Pita 2:19

La lele tetek la mang lar langolango, ika la ot bel la langolango, la tena titol oros ana dur a magiranla. Anasa tik ir tena titol oros ana sa ning i sira longor onoi.