A Pas ane Pol tetek a tarai Rom 6:13 - Label

¹³ Gong ulak ma mulo saran tar ta diah palaomulo sur ir arlar ana utna a titol sur a toltol laulau. Mulo ka laun ulak kusun a minat, i maining, mulor saran tar mulo tetek e God. Pa mulor saran tar otleng a didiah palaomulo rop tetek e God, sur ir arlar ana ututnala na titol sur a tostos a titol.

A Pas ane Pol tetek a tarai Rom 6:13 ပူးပေါင်းရင်းမြစ်များ

Luk 15:24

Anasa a natuklik ne ka mat, pa onone ka laun ulak, i rongo tar pa ne ka hanot.’ Pa a ngasa i turpasi.

Luk 15:32

I wakak sur dalar gasgas pa dalar hangan, anasa e tasimlik ne ka mat pa onone ka laun ulak, i rongo pas, pa onone ka hanot ulak.’”

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

A Pas ane Pol tetek a tarai Rom 1:29

La bukus ana toltol laulau, la tol a laulauna tetek a tarai, la mang sur na utna ning lar tena gongon onoi, la mang sur lar alaulau a tarai. La bukus ana toltol na ram, la umkol a tarai, la arngaras, la asasongo, la nget a tarai. La warwara kumkumna,

A Pas ane Pol tetek a tarai Rom 12:1

I maining, na tastasikla, a nunung mulo sur mulor saran tar a palaomulo rop tetek e God, anasa e God i maris kol mulo. Mulor saran tari arlar ana artabar ning i laun, i totoh, pa e God i gas ono. I ning anumulo a lotu momol tetek e God.

A Pas ane Pol tetek a tarai Rom 6:11

Mangotleng larning tetek mulo, mulor tasmani mang mulo ka mat kusun anumulo na toltol laulaula, pa o e Karisito Iesu, mulo laun sur e God.

A Pas ane Pol tetek a tarai Rom 6:16

Mangasa, bel mulo tasmani mang, ning mulo saran tar mulo tetek tik sur mulor longor tana, mulo na tena titol oros anunai? Ning mulo na tena titol oros ana toltol laulau, ir saran a minat tetek mulo. Ika ning mulo na tena titol oros ana toltol na longor ana warwara ane God, mulor tostos namatana.

A Pas ane Pol tetek a tarai Rom 6:19

A warwara ana warwara larlar ne tetek mulo, anasa bel mulo talapor wakak ana utna na ingun. Lanigo mulo saran tar a didiah palaomulo sur ir tena titol oros ana dur a toltol, pa anumulo na toltol laulau i gomo pa i itna. Ika onone, mulor saran tar a didiah palaomulo sur ir tena titol oros ana tostos a toltol, sur anumulo a lalaun ir totoh namatana e God.

A Pas ane Pol tetek a tarai Rom 7:23

Ika, ana palaok a oroi otleng ning a ngas a rakrakai, ning bel i mur a warkurai ane God. I harum taum ana wakak a warkurai te na nuknukik, pa i dot akes iau sur a didiah palaok i kes na dodot ana toltol laulau.

A Pas ane Pol tetek a tarai Rom 7:5

Lanigo, ning anundala a lalaun i kes nahai a rakrakai ana turai a lalaun, a Warkuraila i akamtur otnan a laulau a nuknuk sur dalar tol a toltol laulau. Pa a toltol laulau ana nundala lalaun i wai, pa a wana a minat ka.

1 Korin 6:15

Mangasa, bel mulo tasmani mang na palaomulo la na didiah palaona e Karisito ot? Mangasa, ar apatap pas al didiah palaona e Karisito taum ana pamuk a hane sur diar takai ka? Bel, bel ir arlar!

1 Korin 6:20

anasa e God ka lou pas mulo ana arlou ning a matana i abit kol. I maining mulor aleklek pas e God ana palaomulo.

1 Korin 6:9

Mangasa, bel mulo tasmani mang la ning la tol a laulauna bel lar kibas a matanitu ane God? Gong mulo asongo ulak mulo ot. Anasa la ning la tol na pamuk a toltol, pa la ning la lotu tetek a asasongo na godla, pa la ning bel la hanrawai a keskes a taulai, pa la ning na pamuk a barsan ning la siuran a palaonla, pa na barsan ning la taulai ulak ana barsanla,

2 Korin 10:4

Anasa a ututnala na harum ning mila harum onoi, bel mite na rakrakan hanua. A rakrakai a ututnala na harum ane God, pa la rakrakai kol sur milar regen a rakrakai a worohla anuna hiruala onoi.

2 Korin 5:14

A marmaris ane Karisito i akamtur mila, sur milar titol teteki. Anasa mila tasman momoli mang takai ka i mat sur dala rop. I maining dala rop dala mat taum onoi.

2 Korin 5:15

I mat sur dala rop, sur dala ning dala laun gong dala laun sur dalar agasgas pas dala ot. Dalar laun sur e Karisito, esaning i mat sur ir alaun pas dala, pa i kamtur ulak kusun a minat.

2 Korin 8:5

Pa bel la saran tari ka a mani larning mila nuki mang lar sarani, la saran nigon tar anunla a lalaun ot tetek a Leklek, pa tetek mila otleng, arlar ana nuknuk e God.

Epeses 2:5

Ning dala mat ana nundala na toltol laulaula, i alaun pas dala taum o e Karisito. E God ka alaun pas mulo, anasa ana nuna marmaris.

Epeses 5:14

Anasa ning a talapor i atalapor a ututnala, dir oroi lalan la. I maining di atongi larne, “U ning a tena borbor, ur mata, ur kamtur kusun a minat, pa e Karisito ir atalapor u.”

Pilipai 1:20

A tortorot mang bel ar tol ta utna ning ar meme onoi. Ar tur rakrakai pa bel ar matmataut, sur ar aitna bolbolos e Karisito ana nuk na toltol. Ning ar laun o ar mat, ar aitna pasi.

Kolosi 2:13

Lanigo a ingumulo i mat, anasa mulo tol a toltol laulaula, pa belot di kepsen tar a lalaun turai anumulo. Ika onone, e God ka alaun pas mulo taum o e Karisito. I ka kepsen tar anundala na toltol laulaula rop.

Kolosi 3:5

I maining mulor umkol a toltol laulaula mite lapiu ning kaning na lalaun anumulo. A ututnala ning ine: a pamuk a toltol, a dur a toltol, a nuknuk sur asaning a palaondi i mang suri, a nuknuk sur a toltol laulaula pa a nuknuk sur a galis a utna na gongon. A nuknuk sur a galis a utna na gongon, i ning a lotu tetek a asasongo a godla.

2 Tesalonika 2:12

Manglarning, la rop ning bel la tortorot ana momolna pa la gas ka ana toltol laulau, lar hirua ana warkurai ane God.

2 Timoti 2:15

Ur saran tar u tetek e God pa ur rakrakai sur u a momol a tena titol namata e God, ning bel ta utna ning ir ame i ana nuna titol, anasa i sira asaer wakak a taraila ana momol a warwara ane God.

Jems 4:1

Asa a kamna ning mulo harum pa mulo arlak artalai? I kamna ana numulo na laulau a nuknuk ning la harum ting na numulo a lalaun.

1 Pita 2:24

E Karisito ot i kibas pas anundala na toltol laulau ana palaona ning i mat saot na rakai kutus, sur dalar mat kusun a toltol laulau, pa dalar laun sur a tostos a toltol. Pa ana hirua ting na palaona, i alangolango pas mulo.

1 Pita 4:2

Pa onone, bel i saran tar anuna lalaun sur a laulau a nuknukla mite lapiu. I saran tari ka sur ir mur a nuknuk e God.

1 Jon 1:9

Ning dala atong talapor anundala na toltol laulau, e God i tostos, pa ir tolsot anuna lele pa ir kepsen anundala na toltol laulaula, pa ir atotoh dala kusun a ututnala ning bel i tostos.