A Pas ane Pol tetek a tarai Rom 5:18 - Label

¹⁸ I maining ana takai ka toltol na kutus warkurai ane Adam a tarai rop la ka kes ana warkurai na arkeles ane God. Larotleng ning ana takai ka tostos a toltol ning e Iesu i toli, e God ir atong a taraila rop mang la tostos namatana, pa lar laun.

A Pas ane Pol tetek a tarai Rom 5:18 ပူးပေါင်းရင်းမြစ်များ

Jon 1:7

I hanot sur ir warwara talapor ana talapor, sur a taraila rop lar tortorot onoi.

Jon 12:32

Ika iau, ning dir rakan kas iau usaot mite lapiu, ar dat a taraila rop tetek iau.”

Jon 3:26

La han tetek e Jon pa la atai i mange, “Tena Asaer, a barsan ning mu kes taum pas tumo na ris a malum Jodan, pa u warwara talapor tar ono, kanumo ma i baptais, pa a taraila rop la han teteki.”

Aposel 13:39

A Warkuraila ane Moses bel i tolsot pasi sur ir kepsen a laulau a ginimulo, sur dir atong mulo mang a tena tostosla. Ika, la rop ning la tortorot o e Iesu, dir atong la mang a tena tostosla.

A Pas ane Pol tetek a tarai Rom 3:25

E God i saran tar e Natnalik, sur ir mat pa a sulukna ir kepsen a toltol laulaula anuna taraila rop ning la tortorot onoi. Pa a sulukna ir arop sen a balakut ane God ning nating kaning onla. I toli larne sur ir asangan anuna tostos a toltol. Nating e God i noren tar ka toltol laulaula anuna tarai, pa bel i warkurai la onoi, anasa i wowon taum onla.

A Pas ane Pol tetek a tarai Rom 4:25

E God i saran tar e Iesu sur ir mat ana nundala na toltol laulaula, pa i akamtur pasi kusun a minat, sur dalar tostos namatana e God.

A Pas ane Pol tetek a tarai Rom 5:12

Takai ka barsan, i tol a toltol laulau, pa a toltol laulau i hanot te na rakrakan hanua. A toltol laulau i tol otnan tar a minat. Pa ana ngas ka ning, a minat i han tetek a tarai rop, anasa la rop la tol a toltol laulau.

A Pas ane Pol tetek a tarai Rom 5:15

Ika a artabar ane God bel i arlar ana toltol na kutus warkurai ane Adam. Anasa galis a tarai la mat ana toltol na kutus warkurai anuna takai ka barsan. Ika a marmaris ane God i itna kol pa i pulpulas, pa ana takai ka barsan, e Iesu Karisito, pa ana nuna marmaris, i saran oros tar ka a artabar tetek a galis a tarai.

A Pas ane Pol tetek a tarai Rom 5:19

Pa ana tabun longor anuna takai ka barsan, e Adam, a galis a tarai la na tena laulau. Larotleng ning, ana longor anuna takai ka barsan, e Iesu Karisito a galis a tarai la na tena tostos.

A Pas ane Pol tetek a tarai Rom 6:14

Anasa bel mulor kes nahai a rakrakai ana toltol laulau, anasa bel mulo kes nahai a Warkuraila. Onone mulo ka kes nahai a marmaris ane God.

1 Korin 15:22

Anasa a tarai rop o e Adam lar mat, larka otleng ning a tarai rop o e Karisito lar tong akes a lalaun.

Hibru 2:9

Ika dala oroi e Iesu, esaning e God i atarna tari sur ir natarna tana angelola, siklik pukakiar ka, sur ir kilang a tnan kankan pa ir mat sur a taraila rop. I mat anasa e God i maris la. Ika onone, dala oroi mang e God ka suah tar a matatar pa hanrawai ono arlar ana king ning di suah tar a kukuh ono, anasa ana kankan pa a minat ning i kilangi.

2 Pita 1:1

Iau e Saimon Pita, a tena titol oros pa aposel ane Iesu Karisito. A tumtumus tetek mulo ning e God ka tabar tar mulo ana tortorot, anasa ana tostos a toltol ane Iesu Karisito, anundala a God pa nundala a Tena Alaun. A tortorot ning, i wakak kol arlar ana anumila a tortorot.

1 Jon 2:20

Ika mulo, e Karisito ka saran tar a Talngan Tabu tetek mulo. Pa mulo rop mulo ka tasman tar a momolna.