A Pas ane Pol tetek a tarai Rom 5:10 - Label

¹⁰ Ning dala hirua ot taum o e God, i dat dala sur dalar armoro ulak taum onoi, anasa ana minat e Natnalik. Pa onone, ning dala ka armoro taum o e God, dala tasman momoli mang ir alaun pas dala otleng, anasa ana lalaun ane Natnalik.

A Pas ane Pol tetek a tarai Rom 5:10 ပူးပေါင်းရင်းမြစ်များ

Jon 14:19

“Bel ma i bongnani, sur a taraila mite na rakrakan hanua bel lar oroi iau. Ika mulo, mulor oroi iau. Mulor laun anasa a laun.

Jon 5:26

E God a kama lalaun pa i sarani otleng tetek e Natnalik, sur i otleng a kama lalaun.

Jon 6:40

A nuknuk ane Tata i mange, la rop ning la tai tetek e Natnalik pa la tortorot onoi, lar laun tikin, pa iau ar akamtur la kusun a minat ana ararop a pukakiar.”

Jon 6:57

E Tata ning a lalauna i sune iau, pa a laun anasa o e Tata. Mangotleng larning tetek esining ir ien a palaok, ir laun anasa hok.

A Pas ane Pol tetek a tarai Rom 11:28

A tarai Israel la na hirua ane God anasa bel la tortorot ana Wakak a Warwara, sur ir angis mulo a tarai masik. Ika, e God i maris kol la, anasa i aslang pas na tumtubunla.

A Pas ane Pol tetek a tarai Rom 5:11

Bel i ka i ning, dala gas otleng o e God, anasa ana nundala Leklek e Iesu Karisito, ning ka amoro taum tar dala o e God.

A Pas ane Pol tetek a tarai Rom 5:6

Lanigo bel dala lotu tetek e God, pa bel dala tolsot pas ta utna. Ika ning a pukakiar i sot, e Karisito i mat sur dala.

A Pas ane Pol tetek a tarai Rom 8:32

E God bel i maris alar e Natnalik, i saran tari ka sur ir mat sur dala rop. Ning i saran tar e Natnalik sur ir mat sur dala, dala tasmani mang ir saran oros otleng a wakak a utna rop tetek dala.

A Pas ane Pol tetek a tarai Rom 8:34

Esining ir atai e God mang ir saran a warkurai na arkeles tetek dala? Bel tik ir tolsot pasi, anasa e Karisito Iesu ka mat sur dala. Bel i ka i ning i toli, e God ka akamtur ulak pasi kusun a minat, pa onone, kanisa ma ot i kes ting na sot a kuna e God, pa i sira nunung sur dala.

A Pas ane Pol tetek a tarai Rom 8:7

Esining a nuknukna i mur a turai a lalaun, i a hirua ane God. Anasa esining a nuknukna i manglarning, bel i anatarna pasi nahai a Warkuraila ane God, pa bel ir tolsot pasi.

2 Korin 5:20

I maining mila na tena warwara ane Karisito, pa ning mila warwara i arlar o e God ot i nunung mulo sur mulor armoro taum onoi, pa mila otleng mila nunung mulo ana risana e Karisito sur mulor armoro taum o e God.

2 Korin 5:21

E Karisito bel i tol ta toltol laulau, ika e God i suah tar anundala na toltol laulau saot ono, sur ning dala laun o e Karisito, dalar tostos namatana e God.

Epeses 2:16

Pa ning dala takai ka, e Karisito i amolmol taum dala rop taum o e God. Ning i mat saot na rakai kutus i kepsen a balakut na arpotor indala, a tarai Juda pa a tarai masik.

Epeses 2:3

Nating, dala otleng dala laun arlar ana tarai a tabun longor. Dala otleng dala tol asaning a lalaun turai i mang suri, pa dala mur a laulau a nuknukla ana lalaun turai pa a ginina lalaun turai. Di agon pas dala otleng a tena laulaula ot, pa a balakut ane God i kes ondala, larning i kes ona tarai a tabun longor.

Hibru 2:17

Ine a kamkamna ning e Iesu i hanot arlar ot ana tastasnala ana ututnala rop, sur ir ningnigo na tena artabar tetek e God pa ir titol ana marmaris pa momolna, pa ir saran anuna lalaun sur ir mat, pa e God ir kepsen a toltol laulaula anuna tarai, pa ir arop sen anuna balakut, ning nating kaning onla.

Hibru 7:25

I maining e Iesu i tolsot pasi sur ir alaun a tarai ning la han tetek e God ana risana e Iesu. Ir alaun la pa lar laun tikin, anasa i laun tikin sur ir nunung onla.

1 Jon 2:1

Na natnatukla, a tumus a ututnala ne tetek mulo sur gong mulo tol a toltol laulau. Ika ning tik ir tol a toltol laulau, anundala a tena harnangai, e Iesu Karisito a Tena Tostos, ir atalapori tetek e Tamana.

1 Jon 4:10

A marmaris i mange: Bel dala, dala mang nigo sur e God. Ika, e God ot i mang nigo sur dala, pa i saran tar e Natnalik ning i mat sur ir lou langolango pas dala kusun anundala na toltol laulaula, pa ir arop sen a balakut ane God, ning nating kaning on dala.

Tatatai 1:18

Iau a lalauna. Ia ka mat pas, oroi i, ia ka laun tikin pa a tong akes a kila ana minat pa ana hanua Hedes, a hanua anunla ning la mat.