A Pas ane Pol tetek a tarai Rom 3:31 - Label

³¹ Mangasa, ning dala tortorot dala nuki mang a Warkuraila i utna oros ka? Bel momol! Ana tortorot dala asangani mang a Warkuraila a rakrakainla ot.

A Pas ane Pol tetek a tarai Rom 3:31 ပူးပေါင်းရင်းမြစ်များ

Matiu 15:6

Ika ning bel i nangan e tamana, bel i hanrawai i. Ning mulo toli larning, mulo anatarna pas a warwara ane God sur mulor mur ka a asaerla ana numulo na tarai tagun nating.

Matiu 3:15

Pa e Iesu i kelesi mang, “Ur baptais iau ka. I wakak ning ur toli, sur dar tolsot pas asa rop ning i tostos namatana e God.” Pa e Jon i longor tana.

Matiu 5:17

“Gong mulo nuki mang a hanot sur ar kibas sen a warkuraila ane Moses pa asaerla anuna propetla. Bel a hanot sur ar kibas sen la, a hanot sur ar tolsot pas la.

Matiu 5:20

Larne, a atongi ta mulo, ning anumulo a tostos a toltol bel ir itna bolos a tostos a toltol ana tena asaerla tagun a warkurai pa Parisaiola, bel mulor tolsot pasi sur mulo kas ting na matanitu saot na langit.

Luk 20:16

Ir hanot pa ir umkol sen a tarai a titolla, pa ir saran tar a barim tetek al tarai masik.” Ning la longor a warwara ne, la atongi mang, “Gong i hanot larne!”

A Pas ane Pol tetek a tarai Rom 10:4

E Karisito i tolsot pas a Warkuraila ane Moses. I maining la ning la tortorot o e Karisito lar tostos namatana e God.

A Pas ane Pol tetek a tarai Rom 2:20

Mulo nuki mang mulo asaer tostos la ning bel la tastasim, pa mulo na tena asaer tetek la ning bel la tasman ta utna, anasa mulo ka tong akes a tastasim rop pa a momolna ting na Warkuraila.

A Pas ane Pol tetek a tarai Rom 3:4

Bel momol! Ning a taraila rop lar asongo, a warwara ane God i momol ot. Larning a warwara tetek e God ning di ka tumus tari ting na Buk Tabu mang: “Anum a warwara na warkurai i asangani mang u tostos. Pa ning dir tiu u, bel tik ir pastetek pas ta rongo.” Buk Song 51:4

A Pas ane Pol tetek a tarai Rom 3:6

Ika bel. Ning anuna warkurai bel i tostos, ir warkurai mangmangasa pas a tarai mite na rakrakan hanua?

A Pas ane Pol tetek a tarai Rom 4:14

Ngandek ning e God ir saran a rakrakan hanua tana tarai anasa la mur a Warkuraila, a tortorot a utna oros ka, pa a lele ane God bel i topas ta utna.

A Pas ane Pol tetek a tarai Rom 7:22

Ana nuknukik a mang kol sur a Warkuraila ane God.

A Pas ane Pol tetek a tarai Rom 7:25

E God ot. A atong wakak teteki anasa i sune e Iesu Karisito anundala Leklek, sur ir alangolango pas iau. I maining, iau ot ana nuknukik iau a tena titol oros ana Warkuraila ane God, ika ana turai a lalaun iau a tena titol oros ana rakrakai a toltol laulau.

A Pas ane Pol tetek a tarai Rom 8:4

I toli sur a tostos a toltol ning a Warkuraila la warwara onoi ir hanot momol ana nundala lalaun. Bel ma dala mur a turai a lalaun, dala mur a nuknuk ana Talngan Tabu.

1 Korin 9:21

Ning a kes taum ana tarai ning bel la kes nahai a warkuraila ane Moses, iau otleng bel a kes nahai a warkuraila ning, sur ar ben pas la tetek e Karisito. Ika, bel a gilam ris ana Warkurai ane God. A kes nahai a Warkurai ane Karisito.

Galesia 2:19

“Ning a mang sur ar mur a Warkuraila, a Warkuraila ot i suah tar iau ana minat. Pa ia ka mat kusun la, sur ar laun sur e God.

Galesia 2:21

Bel a noren oros tar a marmaris ane God. Ngandek ning e God ir atong tik mang i a tena tostos ana mur Warkuraila, e Karisito i mat oros ka.”