A Pas ane Pol tetek a tarai Rom 3:20 - Label

²⁰ I maining bel tik ir tostos lar pas namatana e God anasa i mur anuna Warkuraila. A Warkuraila i sira asangan dala ka ana nundala na toltol laulaula.

A Pas ane Pol tetek a tarai Rom 3:20 ပူးပေါင်းရင်းမြစ်များ

Aposel 13:39

A Warkuraila ane Moses bel i tolsot pasi sur ir kepsen a laulau a ginimulo, sur dir atong mulo mang a tena tostosla. Ika, la rop ning la tortorot o e Iesu, dir atong la mang a tena tostosla.

A Pas ane Pol tetek a tarai Rom 2:13

Anasa bel la rop ning la longor a Warkuraila ane Moses la tostos namatana e God. La ka ning la mur a Warkuraila, e God ir atong la mang na tena tostos.

A Pas ane Pol tetek a tarai Rom 3:28

Anasa onone, dala tasmani mang e God i atong a taraila mang la tostos namatana, ana tortorot ka o e Iesu, pa bel ana mur warkurai.

A Pas ane Pol tetek a tarai Rom 4:13

E God i lele tar e Abaram mang ir saran tar a rakrakan hanua tana pa tetek na tumtubunala otleng. A lele ne e God i tol tari tetek e Abaram bel i kamna ning i mur a Warkuraila. I kamna anasa i tortorot, pa e God i atongi mang i tostos namatana.

A Pas ane Pol tetek a tarai Rom 4:15

Ika a balakut ane God i kes onla ning la mang sur lar mur a Warkuraila, ika bel la mur sot pasi. Ning belal Warkurai, bel dir kutus a warkuraila.

A Pas ane Pol tetek a tarai Rom 5:13

Anasa lanigo, ning e God belot i saran a Warkuraila, a toltol laulau ka kes te na rakrakan hanua. Ning bel ta warkurai, e God bel ir arup tik ana toltol laulau.

A Pas ane Pol tetek a tarai Rom 5:20

E God i saran tar a Warkuraila, sur ir talapor mang a toltol na kutus warkurai anuna tarai i itna amon. A toltol laulau i itna amon, ika a marmaris ane God i itna bolosi.

A Pas ane Pol tetek a tarai Rom 7:11

A toltol laulau i pastetek pas a ngas ana Warkuraila sur ir asongo tar iau, pa ana rakrakai ana Warkuraila, a toltol laulau i umkol iau.

A Pas ane Pol tetek a tarai Rom 9:32

Asa kamkamna? Anasa bel la tortorot, la nuki ka mang lar tostos anasa ana nunla na wakak a titol. La buh a hanla ana hat ning la sira buh a hanla ono.

1 Korin 15:56

A toltol laulau, i a tikio anuna minat, pa a toltol laulau i kibas pas a rakrakaina miting na Warkuraila ane Moses.

Galesia 2:16

Ika, dala tasmani mang e God bel i atong tik mang a tena tostos ning i mur a Warkuraila. Ir atong tik mang a tena tostos ning i tortorot o e Iesu Karisito. Manglarning, dala otleng dala tortorot o e Karisito Iesu, sur dalar tostos namatana e God. Dala tostos ning dala tortorot o e Karisito, pa bel ana mur warkurai. Anasa, e God bel ir atong tik mang a tena tostos ning i mur a Warkuraila.

Galesia 2:19

“Ning a mang sur ar mur a Warkuraila, a Warkuraila ot i suah tar iau ana minat. Pa ia ka mat kusun la, sur ar laun sur e God.

Galesia 5:4

Ning mulo tohi sur dir atong mulo mang mulo tostos anasa mulo mur a Warkuraila, mulo ka kes sarara kusun e Karisito. Mulo ka han masik pas kusun a marmaris ane God.

Hibru 7:19

Anasa a warkurai ning bel i atostos pas a tarai sur lar han milau tetek e God. Ika e God ka tol tar a ngas sur dalar han milau teteki. A ngas ning i wakak kol tana Warkuraila. Pa onone dala tolsot sur dalar harnanai ana tortorot suri.