A Pas ane Pol tetek a tarai Rom 3:19 - Label

¹⁹ Dala tasmani mang, asaning a Buk a Warkurai i warwara ono, bel i warwara ana tarai ning bel a tarai Juda ka, i warwara otleng ana tarai Juda, ning la kes nahai a Warkuraila. I maining a tarai rop mite na rakrakan hanua lar tur ana warkurai ane God, pa bel tik ir puai lar pas.

A Pas ane Pol tetek a tarai Rom 3:19 ပူးပေါင်းရင်းမြစ်များ

Jon 15:25

Di toli larne, sur dir tolsot pas a warwara di ka tumus tari ana Buk na warkurai mange, ‘La nget iau, pa bel ta kamkamna.’ Buk Song 35:19

Jon 8:9

Ning la longor a warwara ne, la rop la purum taktakai. A lapunla la purum nigo, tuk e Iesu kama kaning ia, taum ana hane ning di atur tari napirna.

A Pas ane Pol tetek a tarai Rom 1:20

Turpasi ana akakes ana rakrakan hanua, a tarai la oroi a ututna na akakes. I maining la tolsot pasi sur lar tasman na ginina e God, na ginina ning bel dir oroi. La tasmani mang a rakrakai e God ir kes tikin, pa i e God. I maining bel la tolsot sur lar atongi mang bel la tasman e God.

A Pas ane Pol tetek a tarai Rom 3:2

I wakak kol teteki. A ningnigo na utna, e God ka suah tar anuna warwara ting na kuna tarai Juda.

A Pas ane Pol tetek a tarai Rom 3:23

Anasa a taraila rop la ka tol tar a toltol laulau, pa la ka kes bakbak kusun a matatar ane God.

A Pas ane Pol tetek a tarai Rom 3:4

Bel momol! Ning a taraila rop lar asongo, a warwara ane God i momol ot. Larning a warwara tetek e God ning di ka tumus tari ting na Buk Tabu mang: “Anum a warwara na warkurai i asangani mang u tostos. Pa ning dir tiu u, bel tik ir pastetek pas ta rongo.” Buk Song 51:4

A Pas ane Pol tetek a tarai Rom 3:9

Asaning dalar atongi ana utna ne? Mangasa, mila na tarai Juda mila ka tostos tana tarai masik? Bel i momol! Ia ka atong tari mang a te Judala pa a tarai masik otleng la arlar ka. Dala rop dala kes nahai a toltol laulau.

1 Korin 1:29

I toli larning sur gong tik i iaunani namatana e God.

Galesia 3:10

La ning la nuki mang lar mur a warkurai sur e God ir atong la mang a tena tostos, a rakrakai a balakut ane God ka kes onla. Anasa di ka tumus tari ting na Buk Tabu mang, “A rakrakai a balakut ane God ka kes o esining bel i mur sot pas asa rop ning di ka tumus tari ana Buk na warkurai.” Lo 27:26

Galesia 4:21

Ning mulo mang sur mulor mur a Warkuraila, mulor keles iau: Mulo tasman ot a kamkama Warkuraila?

Galesia 4:5

sur ir lou langolango pas la ning la kes nahai a warkurai, sur e God ir ras pas dala sur dala na natnatna.

Galesia 5:18

Ika, ning a Talngan Tabu ir nigon mulo, mulor kes langolango kusun a Warkuraila.