A Pas ane Pol tetek a tarai Rom 15:8 - Label

⁸ A atongi ta mulo mange, e Karisito i hanot arlar ana tena titol anuna tarai Juda, sur ir tolsot pas a lelela ane God ning i tol tari tetek na tumtubunla. Ning i toli larning i asangani mang a warwara ane God i momol.

A Pas ane Pol tetek a tarai Rom 15:8 ပူးပေါင်းရင်းမြစ်များ

Matiu 15:24

E Iesu i keles la mang, “E God i sune sen iau ute sur a tarai Israel ka, ning la rongo lar a sipsipla.”

Matiu 20:28

Larka otleng ning a Nat a Barsan bel i hanot sur dir titol teteki. I hanot sur i ot ir titol tetek a tarai, pa ir saran tar anuna lalaun, a arlou, sur ir lou langolango pas a galis a tarai.”

Jon 1:11

I hanot sur anuna taraila, ika anuna taraila ot bel la malmaling pasi.

Jon 10:16

Anuk dingla na sipsip otleng, bel la kes ting na woroh na sipsip ne. Ar ben pas la otleng, pa lar longor a elngek, sur la rop lar kes ka ana takai a woroh, pa takai sot ka ir tena tai alar anunla.

Aposel 13:46

Ika bel dia matmataut pa dia keles la mange, “Wakak mia ka atalapor nigon tar a warwara ane God ta mulo. Ika ning bel mulo kibasi pa mulo san alar pas mulo sur gong mulo los a lalaun tikin, onone, miar han tetek a tarai ning bel a tarai Juda.

A Pas ane Pol tetek a tarai Rom 11:22

I maining mulor oroi a marmaris pa balakut ane God. I asangan anuna balakut tetek la ning la han masik kusuni, pa i asangan anuna marmaris tetek mulo, ning mulo tortorot ana nuna marmaris tetek mulo, pa bel mulo manah kusuni. Ika, ning bel mulor tortorot, ir umsem omulo otleng.

A Pas ane Pol tetek a tarai Rom 11:30

Nating, bel mulo sira longor tetek e God. Ika ning a tarai Israel bel la longor teteki, e God i maris mulo male.

A Pas ane Pol tetek a tarai Rom 15:16

sur ar tena titol ane Karisito Iesu tetek a tarai ning bel na tarai Juda. A arlar ana tena artabar tetek e God, ning a warawai ana Wakak a Warwara ane God, sur a tarai ning bel na tarai Juda la anuka artabar tetek e God ning ir gas onoi. Pa a Talngan Tabu ka atotoh tar la.

A Pas ane Pol tetek a tarai Rom 3:26

Ika onone, i toli larne sur ir asangan anuna tostos a toltol, sur i ot i tostos pa esaning i atong a taraila mang la tostos ning la tortorot o e Iesu.

A Pas ane Pol tetek a tarai Rom 3:3

I momol, dingla na tarai Juda bel la tortorot. Ning bel la tortorot, mangmangasa, i topasi sur ir sairas e God sur gong i tolsot anuna warwara?

A Pas ane Pol tetek a tarai Rom 4:16

I maining, a ututnala ning e God ka lele tari, ir sarani tetek la ning la tortorot. E God i toli larning sur ir arlar ana artabar na marmaris, pa ir han tetek a kaba tarai rop ane Abaram. Bel tetek na tarai Juda ka, ning di saran tar a Warkuraila tanla. Tetek la otleng ning la tortorot lar e Abaram, anasa i a tamandala rop.

1 Korin 1:12

Ar pak a kamkam a warwara ne mang: Dingla na tarai o mulo la atongi mang, “A mur e Pol,” dingla la atongi mang, “A mur e Apolos,” dingla la atongi mang, “A mur e Pita,” pa dingla otleng la atongi mang, “A mur e Karisito.”

1 Korin 10:19

Asa a kamkama nuk a warwara? A utna ning di artabar tar onoi tetek a manar ning di koti, bel i to pas ta utna, pa a manar ning di artabar teteki, i otleng bel i to pas ta utna.

1 Korin 10:29

Bel a warwara ana nuknukimulo. A warwara o esaning i atai mulo pa i nuki mang mulo tol a laulauna. Ia ka langolango. Sur asa ning a nuknukin tik ir warkurai iau?

1 Korin 15:50

Na tastasik, a atongi tamulo mang, a palaondala mite lapiu bel ir kas ting na matanitu ane God. A palaondala ning i sira marase ka, bel ir kas ting na matanitu ane God, ning bel ir marase.

2 Korin 1:20

Anasa e Karisito i tolsot pas a lelela rop ane God. Pa o e Karisito ka dala tol lar pasi sur dalar atongi mang, “Amen,” pa dalar atong aleklek pas e God onoi.

Epeses 2:12

Mulor nuk pasi mang, nating ning mulo kes masik ot kusun e Karisito, mulo bel a tarai Israel, pa a kunubusla ning e God i lele tar ono, bel anumuloi. Pa ana numulo a lalaun te na rakrakan hanua, bel mulo tasman e God, pa bel ta wakak a utna ning mulor harnanai suri ana tortorot.