A Pas ane Pol tetek a tarai Rom 15:19 - Label

¹⁹ La oroi a rakrakai ana akinalangla pa a ututnala na kulkulan ning a toli ana rakrakai a Talngan Tabu. Manglarning misaot e Jerusalem tuk to e Ilirikum ia ka warawai rop pas tingia ana Wakak a Warwara ane Karisito.

A Pas ane Pol tetek a tarai Rom 15:19 ပူးပေါင်းရင်းမြစ်များ

Matiu 12:28

Ika, ning a kepsen a motla ana rakrakai a Inguna e God, mulor tasmani mang a matanitu ane God ka hanot tetek mulo.

Jon 4:48

E Iesu i atai i mange, “Ning bel mulo oroi al ututna na kulkulan pa al akinalang, bel mulor tortorot.”

Aposel 1:8

Ning a Talngan Tabu ir kes o mulo, mulor kibas a rakrakai, pa a ututnala ning mulo oroi tak mulor warwara talapor ono saot e Jerusalem, pa ting na hananuala rop tumo na naur a papar Judia pa e Samaria, pa ting na rakrakan hanua rop.”

Aposel 13:14

E Pol pa e Barnabas dia han mitimo e Perga sur e Antiok ana papar Pisidia. Pa ana Pukakiar Sabat dia kas uting na rumai lotu anuna tarai Juda, pa dia kes.

Aposel 13:51

Pa dia tang sen a kubus kusun a handiau sur a asilang mang e God ka saran kabaina tanla, pa dia han utumo Ikonion.

Aposel 14:10

Pa e Pol i warwara kol teteki, “Ur tur tostos ana naur a ham.” A barsan ning i tur kapit pa i han kakat.

Aposel 14:20

Ika ning a tarai a asasaer la tur talilis pasi, i tur, pa i kas ulak uting na hanua. Ana pukakiar lamur, i han taum o e Barnabas utumo e Derbe.

Aposel 14:25

Ning dia ka warawai pas tumo e Perga, dia han utumo e Atalia.

Aposel 14:6

Ika, ning e Pol pa e Barnabas dia longori, dia han masik uto na papar Likonia, sur naur a hanua Listra pa e Derbe, pa dingla na hananua otleng ning la kes milau.

Aposel 15:12

Pa tarai rop ning la kes taum, la kes longoroi, ning la longor e Pol pa e Barnabas, dia warwara ana asilangla taum ana ututna na kulkulan dia toli ana rakrakai ane God tetek a taraila ning bel a tarai Juda.

Aposel 16:18

A galis a pukakiar i toli larne. Ning e Pol i ngoro onoi, i talingir, pa i atai a mot mange, “A atai u ana risana e Iesu Karisito, ur purum kusun a hane ne.” Pa ono ot ning, a mot i purum kusuni.

Aposel 17:10

Ning i morom purum, la ning la tas ana tortorot la sune e Pol pa e Sailas uto e Beria. Ning dia ka hanot tingia, dia kas uting na rumai lotu anuna tarai Juda.

Aposel 17:15

A taraila ning la ben e Pol, la han taum onoi uto e Atens. Lamur i sune ulak la ana warwara tetek e Sailas pa e Timoti mang diar han kapit teteki.

Aposel 18:1

Ning a ututnala ne ka rop, e Pol i han mitimo e Atens uto e Korin.

Aposel 18:19

Ning a sip i sot to e Epeses, e Pol i han kusun diau tingia, pa i kas uting na rumai lotu, pa la warwara taum ana tarai Juda.

Aposel 19:1

Ning e Apolos i kes ting e Korin, e Pol i mur a ngas bual pa i hanot to e Epeses, pa i pastek pas dingla na tarai a asasaer tingia.

Aposel 20:20

Ning a warawai pa a asaer mulo, namatana tarai pa ana numulo na rumrumaila, bel a matmataut pa bel a bunur ta utna ning ir nangan mulo.

Aposel 20:6

Ning ka rop a lotu na bret ning belal is ono, mila han ana sip mito e Pilipai. Ning dilima na pukakiar ka rop, mila sot tumo e Troas tetek la ning la nigo kusun mila, pa mila kes pas a mais a pukakiar tingia.

A Pas ane Pol tetek a tarai Rom 15:13

Pa nunung tetek e God, esaning dala harnanai suri ana tortorot sur a wakakna ning ir toli. A nunung sur ir abukus mulo ana tnan gasgas pa a bal molmol, ning mulo tortorot onoi. Pa ana rakrakai ana Talngan Tabu ot, mulor harnanai ana tnan tortorot sur a wakakna ning e God ir toli lamur.

A Pas ane Pol tetek a tarai Rom 15:16

sur ar tena titol ane Karisito Iesu tetek a tarai ning bel na tarai Juda. A arlar ana tena artabar tetek e God, ning a warawai ana Wakak a Warwara ane God, sur a tarai ning bel na tarai Juda la anuka artabar tetek e God ning ir gas onoi. Pa a Talngan Tabu ka atotoh tar la.

A Pas ane Pol tetek a tarai Rom 15:24

Pa ning ar han utumo e Spen, a nuki mang ar kes siklik pas napirimulo pa dalar gas taum pas. Lamur ar kamtur ulak sur ar han utumo e Spen. Pa mang sur mulor nangan iau ana nuka tinan utumo.

1 Korin 2:4

Ning a warwara pa warawai, bel a warwara ana warwara na tastasim anuna tarai, pa bel a warwara ana ngas a warwara ning ir dat a nuknukin a tarai. A rakrakai ana Talngan Tabu i amomol anuka warwara,

2 Korin 12:12

Ning a kes napirimulo, a amomol tar iau na matamulo mang iau a aposel momol. A tol na rakrakai a ututnala, a ututnala na kulkulan pa a akinalangla pa bel a ngoro ning a kilang a mamahatla.

Galesia 3:5

Mangmangasa, e God i tabar mulo ana Talngan Tabu pa i tol a ututnala na kulkulan na arpotor imulo, anasa mulo mur a Warkuraila anuna tarai Juda? Belal! E God i toli anasa mulo longor a Wakak a Warwara pa mulo tortorot onoi.

Kolosi 1:25

E God i suah tar iau sur iau a tena titol anuna tarai a lotu. I saran tar a titol ne tak sur ar warawai ana nuna warwarala rop tetek mulo.

1 Tesalonika 1:5

anasa a Wakak a Warwara ning mitol apuasa i tetek mulo, bel i hanot ana warwara ka, i hanot taum ana rakrakai pa taum ana Talngan Tabu, pa mulo longor lalani pa mulo tong akesi ana balamulo. Mulo tasman wakak anumitol a toltol, ning mitol laun potor napirim mulo sur mulor wakak onoi.

2 Timoti 4:17

Ika a Leklek i nangan iau, pa i arakrakai iau sur ar tolsot pas a warawai ana Wakak a Warwara, pa a taraila rop ning bel na tarai Juda lar longori. Pa ning la mang sur lar umkol iau, a Leklek i alaun pas iau.

Hibru 2:4

E God i tol a akinalangla pa a ututnala na kulkulan, pa na rakrakai a titol, pa i artabar sarara ana artabarla anuna Talngan Tabu arlar ot ana nuknukna. Ana nuna titolla ning, i apuasa i mang anuna titol na alaun a tarai i momol.

1 Pita 1:12

E God i apuasai tetek a propetla mang a ututnala ne, bel ir hanot tetek la. La warwara ka ana ututnala ning e God ir toli tetek mulo. Pa onone, mulo ka longor tari kusun a tarai ning la warawai ana Wakak a Warwara tetek mulo ana rakrakai a Talngan Tabu esaning di sunei misaot na langit. Pa a ututnala ne, na angelo otleng la mang kol sur lar oroi i.