A Pas ane Pol tetek a tarai Rom 15:14 - Label

¹⁴ Na tastasikla, a tasmani ot mang mulo bukus ana wakak a toltol pa a tastasim, pa mulo tolsot pasi sur mulor asaer artalai mulo.

A Pas ane Pol tetek a tarai Rom 15:14 ပူးပေါင်းရင်းမြစ်များ

1 Korin 1:5

Anasa ana numulo na keskes taum o e Karisito, e God i angisngis mulo ana ututnala rop. I angis mulo ana numulo na warwara rop pa ana numulo na tastasim rop.

1 Korin 12:8

A Talngan Tabu i tabar takai ana tastasim sur ir warwara onoi, pa a Talngan Tabu ning, i tabar takai otleng ana wakak a nuknuk sur ir warwara onoi.

1 Korin 13:2

Ning ar tong akes a artabar sur ar warwara na propet, pa ning ar tasman a ututnala na pidik rop pa na tastasim rop, pa ning ar tong akes a tortorot sur ar akarai na mangir, ika ning bel a lasan ana marmaris, iau a utna oros ka.

1 Korin 8:1

Ar atai mulo ana ututnala na hangan ning di ka artabar tar onoi tetek a asasongo na godla. Dala tasmani mang, dala rop dala ka tastasmai. A tastasim i sira tol otnan a toltol sur tik ir aitna pasi, ika a marmaris i sira tol otnan a toltol sur tik ir arakrakai a taraila.

1 Korin 8:10

U ka tastasmai sur ur hangan ting na rumai a lotu anuna manar ning di koti, pa a nuknukim bel ir tiu u onoi. Ika ning ur hangan tingia, pa esaning anuna tortorot bel i rakrakai ir oroi u, ur ben tari, sur i otleng, ir ien a utna ning di ka artabar tar onoi tetek a asasongo na godla, pa ir kilangi mang, a nuknukna i tiwi mang, i tol a laulauna.

1 Korin 8:7

Ika, bel a taraila rop la tasman a utna ne. Dingla na tena tortorotla, laningo ning belot la tortorot, la sira mur a ngasna ning la artabar tetek a asasongo na godla. Pa tuk onone, ning la ien a utna ning tik ka artabar tar onoi tetek a asasongo na godla, la nuki mang la ot la lotu tetek a asasongo na godla. La kilangi mang a nuknukinla i tiu la mang la tol a toltol laulau.

2 Korin 8:7

Mulo wakak kol ana ututnala rop ne: Anumulo a tortorot, pa anumulo a warwara, anumulo a tastasmai, anumulo a tnan nuknuk na harnangai, pa anumulo a tnan marmaris tetek mila. Pa i wakak sur mulor wakak kol otleng ana titol a artabar ne.

Epeses 5:9

Anasa a wana lalaun anun esining i kes ana talapor i manglarne: a wakak a toltolla, a tostos a toltolla, pa momolna.

Pilipai 1:11

Pa a nunung otleng mang, mulor bukus ana wana tostos a toltol, ning e Iesu Karisito i tol otnan tari ting na numulo a lalaun, sur a taraila lar atong aitna pas e God pa lar alekleki.

Pilipai 1:7

I tostos sur ar nuknuk larne o mulo rop, anasa mulo kes momol te na nuknukik. Ning a kes te na rumai a dodot, pa a keles a warwara anuna tarai ning la atong laulau a Wakak a Warwara, pa a apuasa i tetek a taraila, dala rop dala tur taum ana titol ne, ning e God i saran tari tak ana nuna marmaris.

Kolosi 3:16

I wakak ning a warwara ane Karisito ir kes tingui na balamulo pa ir bukus. Pa mulor asaer artalai mulo onoi, pa mulor arakrakai artalai mulo otleng onoi, taum ana tastasman rop. Pa mulor saksak otleng onoi ning mulo saken a Saksakla ane Dewit, pa na saksak a lotu, pa na saksak ning a Talngan Tabu i tabar mulo onoi. Pa mulor saksak ana atong wakak tetek e God tingui na balamulo.

1 Tesalonika 5:11

Pa mulor warwara na harnangai artalai tetek mulo, pa mulor arakrakai mulo, mang ot larning mulo sira toli.

1 Tesalonika 5:14

Na tastasimitol, mitol nunung mulo mang mulor atumarang a tarai ning la ngoro, mulor arakrakai la ning la sira matmataut, mulor nangan la ning bel la rakrakai ana tortorot, pa mulor bal molmol tetek a taraila rop.

2 Tesalonika 1:11

Ine a kamkamna ning mitol sira nunung o mulo. Mitol nunung tetek anundala God sur ir atong mulo mang mulo tostos sur mulor mur a ngas a lalaun ning i kabah pas mulo suri. Pa ana rakrakaina ir nangan mulo, sur mulor tolsot pas a wakak a titol ning mulo mang sur mulor toli, pa a toltolla rop ning anumulo a tortorot i tol otnani.

2 Timoti 1:5

A nuk pas anuma momol a tortorot, ning i arlar ana tortorot ana naur a hane ne, e tubum Lois pa etnam Iunis. A tasmani mang a ngasa tortorot ne, ka kes otleng hom.

Pilimon 1:21

Ning a tumus a pas ne, a tasman momoli mang ur longor ot ana nuk a nunung tetek u, pa a tasmani otleng mang ur tol a utna ning i itna kol tana utna ning a nunung u suri.

Hibru 5:12

Mulo ka tortorot bongnani, pa onone i sot ma sur mulo a tena asaerla. Ika, mulo kapan ot sur tik ning ir asaer mulo ulak ana ningnigo na asasaer ana warwara ane God. Bel mulo tolsot pasi sur mulor ien a rakrakai a utna. Mulo tolsot pasi ka sur mulor sus.

Hibru 6:9

Na halalimila, mila ka atong tar a rakrakai a warwarala ne ta mulo. Ika mila tasman momoli mang mulo mur a wakak a ngas, ning ir sot sur a tarai ning e God ka alaun pas la.

2 Pita 1:12

Ar anuknuk tar mulo ulak ana ututnala ne. I momol, mulo ka tasmani, pa mulo ka tur rakrakai ana momol a asaer ning mulo ka kibas pasi, ika i wakak ning ar anuknuk tar mulo ulak onoi.

1 Jon 2:21

Bel a tumtumus tetek mulo kamkamna mang bel mulo tasman a momolna. A tumtumus tetek mulo anasa mulo ka tasman tar a momolna, pa a momolna bel i kamkamna on ta asasongo.