A Pas ane Pol tetek a tarai Rom 15:1 - Label

¹ Dala ning dala tur rakrakai, i wakak ning dalar nangan la ning bel la tur rakrakai ana tortorot. Pa gong dala nuk pas dala ka.

A Pas ane Pol tetek a tarai Rom 15:1 ပူးပေါင်းရင်းမြစ်များ

A Pas ane Pol tetek a tarai Rom 14:1

Gong mulo oroi laulau tik ning bel i tur rakrakai ana tortorot, mulor gas pasi. Pa gong mulo arngaras ana ututnala ning bel i talapor teteki.

A Pas ane Pol tetek a tarai Rom 14:2

Dingla na tarai la tortorot mang i wakak ka sur lar ien a ututnala rop. Pa dingla na tarai ning bel la tur rakrakai ana tortorot, bel la mang sur lar ien a inagoila. La ien ka a utna ning di omani.

A Pas ane Pol tetek a tarai Rom 4:20

Ika e Abaram bel i urmatana nuknuk tar ana lele ane God. I tur rakrakai pa e God i arakrakai anuna tortorot ning i atong aleklek pas e God.

1 Korin 4:10

A tarai la nuki mang mila na longlong anasa mila sira mur e Karisito. Ika mulo, mulo nuki mang mulo na tena tastasim ana numulo na lalaun o e Karisito. Mila, bel mila rakrakai, ika mulo, mulo nuki mang mulo rakrakai. Mulo, di aitna pas mulo, ika mila, di oroi purpurum mila.

1 Korin 9:22

Ning a kes taum ana taraila ning bel la rakrakai, iau otleng bel a rakrakai, sur ar ben pas la tetek e Karisito. A laun arlar ana urmatana taraila rop, pa a mur a urmatana ngas rop sur ar alaun dingla na tarai.

2 Korin 12:10

I maining a gas kol mang belal rakrakaik, pa ning di atong laulau iau, pa ana mamahatla, pa ning a taraila la akadik iau, pa ning a kilang a rakrakai a bal maris, anasa a tortorot o e Karisito. A gas, anasa ning belal rakrakaik, a rakrakai.

Epeses 6:10

Anuka ararop a warwara i mange: Mulor tur rakrakai ona tnan rakrakai ana Leklek.

Pilipai 2:4

Mulo taktakai, gong mulo nuk pas mulo ot pa anumulo na titol ka. Mulor nuk pas a tarai masik otleng pa anunla na titol.

1 Tesalonika 5:14

Na tastasimitol, mitol nunung mulo mang mulor atumarang a tarai ning la ngoro, mulor arakrakai la ning la sira matmataut, mulor nangan la ning bel la rakrakai ana tortorot, pa mulor bal molmol tetek a taraila rop.

2 Timoti 2:1

Timoti, a natuklik ana tortorot, ur tur rakrakai ana marmaris ane God tetek dala, ning dala kes o e Karisito Iesu.

1 Jon 2:14

A tumtumus tetek mulo a tatatnan tarai, anasa mulo ka tasman esining i laun tagun nating ot. A tumtumus tetek mulo a barmanla, anasa mulo rakrakai, pa a warwara ane God i kes ting na balamulo, pa mulo ka tolsot pas e Satan.