A Pas ane Pol tetek a tarai Rom 14:11 - Label

¹¹ Larning di ka tumus tari ting na Buk Tabu mang, “A Leklek i atongi mang, ‘Ning i momol a laun, a warwara otleng anuki i momol larne: A tarai rop lar kes ana bokona hanla salanigo tak, pa a tarai rop lar atong puasai mang iau e God.’” Ais 45:23

A Pas ane Pol tetek a tarai Rom 14:11 ပူးပေါင်းရင်းမြစ်များ

Matiu 10:32

“Esining ir atong puasa i na matan a taraila mang, i tagun iau, iau otleng ar atong puasa i, namatana e Tata ning i kes saot na langit mang, i tagun iau.

A Pas ane Pol tetek a tarai Rom 10:9

Ning u apuasa i ana numa warwara mang e Iesu a Leklek, pa u tortorot ting na balam mang e God ka akamtur ulak pasi kusun a minat, e God ir alaun u.

A Pas ane Pol tetek a tarai Rom 15:9

I hanot otleng sur a tarai ning bel a tarai Israel lar atong leklek pas e God ana nuna marmaris. Larning di ka tumus tari ting na Buk Tabu mange, “I maining ar atong leklek pas u napir a tarai ning bel a tarai Israel, pa ar saksak na atong leklek tetek u.” 2 Sam 22:50

1 Jon 4:15

Ning tik i patuai mang e Iesu a Nat e God, e God i laun onoi, pa i laun o e God.

2 Jon 1:7

A galis a tena asasongola ning la puai mang e Iesu Karisito bel i hanot a barsan momol, la ka han sarara te na rakrakan hanua. A ngas a taraila ning, la na tena asasongo, pa la na hiruala ane Karisito.

Tatatai 5:14

Pa diat a lalaun na utna la atongi mang, “Amen,” pa na ningnigo la punga hanrawai pa la lotu.