A Pas ane Pol tetek a tarai Rom 14:1 - Label

¹ Gong mulo oroi laulau tik ning bel i tur rakrakai ana tortorot, mulor gas pasi. Pa gong mulo arngaras ana ututnala ning bel i talapor teteki.

A Pas ane Pol tetek a tarai Rom 14:1 ပူးပေါင်းရင်းမြစ်များ

Matiu 12:20

Bel ir kuben a kunai ning i dou, pa bel ir wus kol a lam ning bel i kubar wakak. Ir toli larne tuk a tostos a warkurai ir tolsot pas a toltol laulau.

Matiu 14:31

Ono otning, e Iesu i kodos a kuna teteki, i dat kasi, pa i atai mang, “Anum a tortorot i natarna kol. I mangasa ning u urmatana nuknuk?”

Matiu 18:10

“Gong mulo oroi purpurum pas ta halin kakakla ne. A atai mulo, anunla na angelola saot na langit la sira oroi a patar e Tata ning i kes saot na langit.

A Wakak a Warwara o e Iesu Karisito i tumusi 7:19

Anasa bel i kas uting na nuknukna, i kas ka uting na balana pa ir kepseni.” Ning i atong a warwara ne, i atong talapori mang a utna na hangan rop i wakak.

Luk 17:2

A warkurai tetek tik ning ir toli larne, ir laulau kol tana tik ning dir dot tar ta tnan hat ting na ruana, pa dir minggen murungi sa latasi.

Jon 13:20

A atong momoli ta mulo, ning tik ir malmaling pas esining a sune i, i malmaling pas iau. Ning tik ir malmaling pas iau, i malmaling pas esining i sune iau ute.”

Aposel 28:2

A taraila mitingia la maris kol mila, la hatna tar a iah, pa la ben pas mila rop, anasa a kiar pa i kotkoto.

A Pas ane Pol tetek a tarai Rom 11:15

E God i gilam ris kaba kusun a tarai Israel, sur ir armoro a tarai masik. Pa ning e God ir ben ulak pas a tarai Israel, ir wakak kol. A minatla lar laun.

A Pas ane Pol tetek a tarai Rom 14:2

Dingla na tarai la tortorot mang i wakak ka sur lar ien a ututnala rop. Pa dingla na tarai ning bel la tur rakrakai ana tortorot, bel la mang sur lar ien a inagoila. La ien ka a utna ning di omani.

A Pas ane Pol tetek a tarai Rom 14:21

I wakak sur gong u ien ta inagoi, pa gong u gang a wain, pa gong u tol ta ngas a utna otleng larning, sakana asaning ur toli ir asanan e tasimlik sur ir punga.

A Pas ane Pol tetek a tarai Rom 14:3

Esining i sira ien a ututnala rop, gong i oroi purpurum esaning bel i ien a utna rop. Pa esining bel i ien a ututnala rop, gong i nuki mang esaning i ien a ututnala rop i tol a toltol laulau, anasa e God ka gas pasi.

A Pas ane Pol tetek a tarai Rom 15:1

Dala ning dala tur rakrakai, i wakak ning dalar nangan la ning bel la tur rakrakai ana tortorot. Pa gong dala nuk pas dala ka.

A Pas ane Pol tetek a tarai Rom 15:7

I maining mulor gas artalai pas mulo, arlar ning e Karisito i gas pas mulo, sur mulor atong leklek tetek e God.

A Pas ane Pol tetek a tarai Rom 4:19

Pa anuna tortorot bel i punga ning i oroi mang ka takai a mar a rau anunai, pa bel i topasi sur ir agomo. Pa e Sara otleng ka wan pa bel ma i topasi sur ir agon.

1 Korin 9:22

Ning a kes taum ana taraila ning bel la rakrakai, iau otleng bel a rakrakai, sur ar ben pas la tetek e Karisito. A laun arlar ana urmatana taraila rop, pa a mur a urmatana ngas rop sur ar alaun dingla na tarai.

Pilipai 2:29

Mulor gas pasi ana risana a Leklek. Mulor gas pasi ana tnan gasgas, pa mulor hanrawai tetek a ngas a tarai larning,

1 Tesalonika 5:14

Na tastasimitol, mitol nunung mulo mang mulor atumarang a tarai ning la ngoro, mulor arakrakai la ning la sira matmataut, mulor nangan la ning bel la rakrakai ana tortorot, pa mulor bal molmol tetek a taraila rop.

Hibru 5:14

La ning la ka itna la ien a rakrakai a utna na hangan. La ning la ka alasan pas la sur lar oroi lalan a wakakna pa a laulauna.

2 Jon 1:10

Ning tik ir han tetek mulo anal asasaer ning bel i arlar ana asasaer o e Karisito, gong mulo gasgas pasi pa mulo ben kasi ana numulo na rumaila.