A Pas ane Pol tetek a tarai Rom 13:8 - Label

⁸ Gong u noren tar anum ta dinau tana tik. Ika anum ning a dinau ka ning bel ur manah na kelesi i mange: Ur mang sur a tarai. Anasa esining i mang sur a tarai, ka tolsot pas a Warkuraila ane God.

A Pas ane Pol tetek a tarai Rom 13:8 ပူးပေါင်းရင်းမြစ်များ

Matiu 7:12

A ututnala rop ning mulo mang sur a tarai lar toli tetek mulo, mulo otleng, mulor sira toli tetek la. Ine a kamkama warkurai ane Moses, pa asasaerla ana propetla.

Jon 13:34

A saran a tona warkurai tetek mulo mange, mulor mang artalai sur mulo. Mulor mang artalai sur mulo larning a mang sur mulo.

A Pas ane Pol tetek a tarai Rom 13:10

Esining i mang sur a halna bel ir tol ta laulauna teteki. I maining, esining i tol a toltol na marmaris, i tolsot pas a Warkuraila.

A Pas ane Pol tetek a tarai Rom 13:7

Mulor saran asaning i tostos sur mulor sarani tetek a tarai rop. Mulor saran a ngasa totokom rop tetek la ning la los totokom. Pa mulor saran a hanrawai tetek a ningnigola, pa mulor aitna pas la ning i tostos sur mulor aitna pas la.

Galesia 5:14

A Warkuraila rop ane God, di suah taum pas la sur takai a warkurai kama, ne: “Ur mang sur a halim larning u mang sur u ot.” Liwai 19:18

Kolosi 3:14

Saot na toltolla rop ne, i wakak ning mulor mermer ana marmaris artalai mulo. A marmaris i dat taum a toltolla rop ne, sur lar titol taum wakak.

1 Timoti 1:5

A atongi manglarning, sur a marmaris ir itna artalai na arpotor in dala. A marmaris ning i han miting na totoh na balandala, pa a nuknukindala ning bel ta rongo namata e God, pa tortorot momol.

Jems 2:8

Mulor tolsot pas a warkurai ning e God, a king, i saran tari, ting na Buk Tabu. I atongi larne, “Ur mang sur a halim larning u mang sur u ot.” Liwai 19:18 Ning mulor toli larne, mulo tol a tostosna.

1 Jon 3:10

Dala oroi lalan na natnat e God pa na natnat e Satan otleng mange: Esining bel i tol a tostos a toltol, i bel a nat e God, mang otleng larning tetek esining bel i mang sur e tasnalik.