A Pas ane Pol tetek a tarai Rom 13:7 - Label

⁷ Mulor saran asaning i tostos sur mulor sarani tetek a tarai rop. Mulor saran a ngasa totokom rop tetek la ning la los totokom. Pa mulor saran a hanrawai tetek a ningnigola, pa mulor aitna pas la ning i tostos sur mulor aitna pas la.

A Pas ane Pol tetek a tarai Rom 13:7 ပူးပေါင်းရင်းမြစ်များ

Matiu 17:25

Pa i kelesi mang, “Ma.” Ning e Pita i kas ting na rumai, e Iesu i warwara nigo, pa i dekeni mang, “Saimon, asa u nuki, a kingla mite lapiu la sira los a totokom pa arlou ta esi? Tan a natnatunla o tana tarai masik?”

Matiu 22:21

La kelesi mang, “Anun a Sisar.” Pa i atai la mang, “Asa ning anuna Sisar, mulor sarani tetek a Sisar. Pa sa ning ane God, mulor sarani tetek e God.”

A Wakak a Warwara o e Iesu Karisito i tumusi 12:17

E Iesu i atai la, “Asa ning anuna Sisar mulor sarani tetek a Sisar, pa asaning ane God mulor sarani otleng tetek e God.” Ning la longori, la kulkulan kol ono.

Luk 20:22

I mangasa, i tostos sur dir lou a totokom tetek a Sisar o bel?”

Luk 20:25

Pa i atongi tanla, “A utna ning anuna Sisar mulor sarani tetek a Sisar, pa utna ning ane God mulor sarani otleng tetek e God.”

Luk 23:2

Pa la turpasi sur lar tiu i mang, “Mila oroi a barsan ne i ben rongon anumila na tarai, i sairas mila sur gong mila saran a totokomla tetek a Sisar, pa i atongi otleng mang i a Karisito, a king.”

A Pas ane Pol tetek a tarai Rom 12:10

Mulor mang artalai sur mulo larning mulo mang sur na tastasimulo. Mulor hanrawai artalai mulo, pa gong mulo nuk pas mulo ot.

A Pas ane Pol tetek a tarai Rom 13:6

I maining mulor sira saran otleng a totokom tetek a matanitu, anasa na tena titol ting na matanitu la na tena titol ane God, pa la sira saran a lalaun anunla ana titol ne.

Epeses 5:33

Pa i wakak otleng ning taktakai o mulo ir mang sur anuna hane larning i mang suri ot. Pa i wakak sur na gurara lar hanrawai tetek anunla na taraila.

Epeses 6:5

Ning u a tena titol, ur longor tetek anuma ningnigo mite na rakrakan hanua, pa ur matmataut pa ur hanrawai i. Ur longor ana momolna ting na balam, larning u longor tetek e Karisito.

1 Timoti 5:13

Belsur i ka ne, la sira palaona ngorongoro pa lar sira arop pukakiar ana han taltal ting na tamanla, pa a utna ning la laulau kol onoi ning la a tena warwara kumkumna, la sira asubaran oros la ana utna ning bel anunla, pa la sira atong a warwarala ning bel i wakak sur lar atongi.

1 Timoti 5:17

I wakak ning a ningnigola ana lotu ning la titol wakak ana titol, dir saran a hanrawai pa a wakak a arlou tetek la. Dir toli larning tetek la ning la titol rakrakai ana warawai pa asasaer.

1 Timoti 6:1

A tena titol orosla lar hanrawai anunla ningnigola, sur gong tik i atong laulau a risana e God pa anundala asasaer.

1 Pita 3:7

Mang otleng larning mulo na tinaulai a barsan, ana numulo a keskes a taulai, mulor mur a wakak a nuknuk tetek anumulo na gurarala pa mulor hanrawai tetek la, anasa mulo tasmani mang, a rakrakainla bel i arlar ana rakrakaimulo, pa la otleng lar kibas a lalaun ning e God ir sarani tamulo. Mulor toli larning, sur gong ta utna i sairas anumulo na nunung.