A Pas ane Pol tetek a tarai Rom 12:6 - Label

⁶ Ana marmaris ane God, i saran tar a maskana artabar tetek dala taktakai. Ning tik, e God i saran tar a artabar na warwara na propet teteki, i wakak ning ir titol wakak onoi, arlar ana nuna tortorot.

A Pas ane Pol tetek a tarai Rom 12:6 ပူးပေါင်းရင်းမြစ်များ

Matiu 23:34

I maining, ar sune sen a propetla, na tena tastasmai, pa na tena asaer tetek mulo. Al tarai tagun la, mulor umkol la, pa al tarai, mulor sai ahat la saot na rakai kutusla, pa al tarai otleng, mulor miras la ting na numulo na rumai lotu, pa mulor lu sen la kusun anumulo na hananuala, pa lar liu uting na hananua masik.

Matiu 25:22

“Esaning di saran tar naur a rip a mani tana i han teteki, pa i atongi mang, ‘Leklek u saran tar naur a rip a mani tak. Oroi i, ia ka agomo otnan pas naur a rip taguni.’

Luk 11:49

I ma ining, e God, esaning i tastasman kol, i atongi mang, ‘Ar sune a propetla pa a aposella tetek a tarai, pa a tarai lar umkol halala tagun la, pa al tarai otleng lar akadik la.’

Aposel 13:1

A propetla pa a tena asaerla tagun a tarai a lotu tumo e Antiok a risanla ne: e Barnabas, e Simion ning a risana otleng e Niger, pa e Lusius a te Sairini, e Sol pa e Manain ning di lawat taum diau ma e Herot a ningnigo.

Aposel 15:32

E Judas pa e Sailas dia wunan la pa dia arakrakai la ning la tas ana tortorot ana galis a warwara, anasa diau naur a propet.

Aposel 2:17

‘E God i atongi mange: Ana ararop a pukakiarla ar saran purum a Inguk tetek a taraila rop. A natnatumulola, a taraila pa gurarala, lar warwara na propet. Anumulo na barmanla lar oroi a tatataila, pa anumulo na bun lar resnan a reresala.

Aposel 21:9

A barsan ne, diat a nat na hane, ning bel la taulai pa la sira warwara na propet.

A Pas ane Pol tetek a tarai Rom 1:11

A mang kol sur ar oroi mulo, sur ar tabar mulo ana artabarla, ning ir nangan a ingumulo, sur ir arakrakai mulo.

A Pas ane Pol tetek a tarai Rom 12:3

Anasa ana nuna marmaris tetek iau, a atongi tetek mulo rop taktakai mang: Gong mulo aitna kol pas mulo ot. Mulor nuknuk wakak omulo, arlar ot ana tortorot ning e God ka saran tari ta mulo.

1 Korin 12:18

Ika e God ka suah taum tar a didiah palaondala rop taktakai, arlar ot ana nuknukna.

1 Korin 13:2

Ning ar tong akes a artabar sur ar warwara na propet, pa ning ar tasman a ututnala na pidik rop pa na tastasim rop, pa ning ar tong akes a tortorot sur ar akarai na mangir, ika ning bel a lasan ana marmaris, iau a utna oros ka.

1 Korin 14:1

Mulor rakrakai ana marmaris. Mulor mang sur na artabar ana Talngan Tabu. Pa mulor mang kol sur mulor warwara na propet.

1 Korin 14:24

Ika ning mulo rop mulo warwara na propet, pa tik ning bel a tena tortorot, o tik ning bel i talapor ana utna ning ir kas tetek mulo, anumulo na warwara rop ning i longori ir so a balana pa ir tiwi mang i a tena laulau.

1 Korin 14:29

Ir naur o ir natol, ditol ir warwara na propet, pa a taraila lar nuknuk wakak ana nunditol a warwara ning i momol o bel.

1 Korin 3:5

Esining e Apolos? Pa esi otleng e Pol? Miau naur a tena titol oros ka ane God, pa mulo tortorot o e Karisito anasa ana numiau a titol. Miau taktakai mia tol a titol ning a Leklek i saran tari tetek miau.

1 Korin 7:7

A mang sur a taraila rop lar arlar hok ning bel a taulai. Ika e God i saran tar na artabar tetek a taraila rop taktakai. Takai i kibas ning a artabar, pa takai otleng i kibas ning a artabar masik.

2 Korin 8:12

Ning mulo mang kol sur mulor artabar, e God ir gas. E God i mang sur mulor saran asaning mulo tolsot sur mulor sarani, bel i nuknuk sur asaning bel mulo tolsot sur mulor sarani.

Epeses 3:5

A taraila tagun nating bel tik i apuasa la onoi, ika onone, a Talngan Tabu i apuasa i tetek a aposella anun e God pa a propetla.

Epeses 4:11

I ot ning i saran a artabarla ning tetek anuna taraila larne: a aposella, a propetla, na tena warwara talapor ana Wakak a Warwara, a tena tai alarla, pa a tena asaerla,

Pilipai 3:15

Dala ning dala tur rakrakai, i wakak sur a nuknukindala ir larning. Ika ning a nuknukimulo ir han masik on ta utna, e God ot ir atalapori tetek mulo.

1 Tesalonika 5:20

Gong mulo nuknuk ororos ana warwarala na propet.

2 Pita 1:20

Ning a tnan utna ne mulor tasmani mang, bel ta warwara na propet ting na Buk Tabu i hanot miting na nuknuk a propet.