A Pas ane Pol tetek a tarai Rom 11:28 - Label

²⁸ A tarai Israel la na hirua ane God anasa bel la tortorot ana Wakak a Warwara, sur ir angis mulo a tarai masik. Ika, e God i maris kol la, anasa i aslang pas na tumtubunla.

A Pas ane Pol tetek a tarai Rom 11:28 ပူးပေါင်းရင်းမြစ်များ

Matiu 21:43

I maining a atongi ta mulo mang, dir rakan sen a matanitu ane God kusun mulo, pa dir saran tari tan al tarai ning lar suah a wakak a wanala ning i sot.”

Luk 1:54

I nangan anuna tena titolla, a tarai Israel, pa i nuk pas anuna marmaris

Aposel 14:2

Ika dingla na tarai Juda ning bel la mang sur lar tortorot, la akamtur a balan dingla na tarai ning bel a tarai Juda, pa la alaulau a nuknukinla sur a nuknukinla ir laulau tetek la ning la tas ana tortorot.

Aposel 18:6

Ika a tarai Juda la saran taurunla sur e Pol pa la atong saksakani. Pa e Pol i daplan anuna kaen, a asilang mang bel ma ir warwara ulak tetek la. Pa i atai la mange, “Ning mulor hirua ana warkurai ane God, mulo ot a kamkamna, pa ia ka langolango. Turpasi onone, ar han kama tetek la ning bel a tarai Juda.”

A Pas ane Pol tetek a tarai Rom 11:11

I maining a kabah: Mangmangasa, ning a tarai Israel la punga, la punga tikin? Bel! Ika, e God i alaun pas a tarai masik, anasa ana toltol laulau anun a tarai Israel, sur ir dat atur a nuknuk a tarai Israel, sur la otleng lar ram sur e God ir alaun la.

A Pas ane Pol tetek a tarai Rom 11:30

Nating, bel mulo sira longor tetek e God. Ika ning a tarai Israel bel la longor teteki, e God i maris mulo male.

A Pas ane Pol tetek a tarai Rom 11:7

Dalar oroi, a tarai Israel la tatatai sur ta ngas ning lar tostos onoi namatana e God, ika bel la pastetek pasi. La ka ning ka aslang pas la, la pastek pasi, ika a tarai masik bel. I arakrakai alar ka a balanla.

A Pas ane Pol tetek a tarai Rom 5:10

Ning dala hirua ot taum o e God, i dat dala sur dalar armoro ulak taum onoi, anasa ana minat e Natnalik. Pa onone, ning dala ka armoro taum o e God, dala tasman momoli mang ir alaun pas dala otleng, anasa ana lalaun ane Natnalik.

A Pas ane Pol tetek a tarai Rom 9:5

La na kaba tarai e Abaram, Aisak pa e Jekop. Pa ning e Karisito i hanot a barsan momol, i hanot onla. E Karisito i warkurai a ututnala rop, pa i ot e God. Dalar atong alekleki, onone pa lamur pa bel ir rarop. Amen.