A Pas ane Pol tetek a tarai Rom 11:20 - Label

²⁰ A momolna ot, e God i kuben la anasa bel la tortorot. Pa mulo, e God i apatap tar mulo anasa mulo tortorot. Pa gong mulo dat abarah pukulumulo, mulor matmataut.

A Pas ane Pol tetek a tarai Rom 11:20 ပူးပေါင်းရင်းမြစ်များ

Luk 18:14

A atongi ta mulo, a barsan ne, ning i ulak sur anuna rumai, i ka tostos namatana e God, pa ning a halindiau bel. Anasa esining i aitna pasi dir anatarna pasi, pa esining i anatarna pasi, dir aitna pasi.”

Aposel 18:6

Ika a tarai Juda la saran taurunla sur e Pol pa la atong saksakani. Pa e Pol i daplan anuna kaen, a asilang mang bel ma ir warwara ulak tetek la. Pa i atai la mange, “Ning mulor hirua ana warkurai ane God, mulo ot a kamkamna, pa ia ka langolango. Turpasi onone, ar han kama tetek la ning bel a tarai Juda.”

A Pas ane Pol tetek a tarai Rom 11:18

Gong mulo iaunan mulo ning mulo oroi a rakrakana ning di ka kuben tar la. Mulo tasmani mang a wakir a rakai ot i saran a lalaun tana rakrakana, bel a rakrakanala la saran a lalaun tana wakirna. I arlar o mulo, e God i saran a lalaun tetek mulo kamna ana tarai Israel.

A Pas ane Pol tetek a tarai Rom 11:21

Anasa e God bel i maris alar la, i kuben tar dingla na rakrakana a rakai ning. Ning i toli larning onla, ir toli otleng larning omulo ning bel mulo tortorot.

A Pas ane Pol tetek a tarai Rom 12:16

Mulor tur taum ana wakak a toltol artalai tetek mulo. Gong mulo aitna pas mulo. Mulor gas sur mulor kes taum ana tarai ning bel di aitna pas la. Pa gong mulo nuki mang mulo tastasman kol.

A Pas ane Pol tetek a tarai Rom 12:3

Anasa ana nuna marmaris tetek iau, a atongi tetek mulo rop taktakai mang: Gong mulo aitna kol pas mulo ot. Mulor nuknuk wakak omulo, arlar ot ana tortorot ning e God ka saran tari ta mulo.

A Pas ane Pol tetek a tarai Rom 3:3

I momol, dingla na tarai Juda bel la tortorot. Ning bel la tortorot, mangmangasa, i topasi sur ir sairas e God sur gong i tolsot anuna warwara?

1 Korin 10:12

Ning tik i nuki mang i tur rakrakai, ir tumarang, sakana ir punga tar ana toltol laulau.

1 Korin 15:1

Na tastasik, a mang sur ar atai ulak mulo ana Wakak a Warwara, ning nating ia ka warawai tar ono tetek mulo, pa mulo ka kibas pasi, pa mulo ka tur rakrakai onoi.

1 Korin 16:13

Mulor tumarang, pa mulor tur rakrakai ana tortorot. Mulor arlar ana rakrakai a barsanla, ning bel la matmataut.

2 Korin 1:24

Bel mila mang sur milar warkurai sur anumulo a tortorot. Mila mang ka sur milar titol taum o mulo, sur mulor gas, anasa mulo ka tur rakrakai ana tortorot.

2 Korin 10:5

Mila kamar sen a asasongo na warwarala ning a taraila la iaunan la ono, pa i sairas a taraila sur gong la tasman e God. Pa mila dat lingir a nuknuk a taraila, sur lar longor tetek e Karisito.

Pilipai 2:12

Na halalik, mulo sira longlongor ana pukakiarla ning a kes napirimulo. Pa onone, ning bel a kes taum o mulo, i wakak sur mulor rakrakai ana longor. Mulor sira asangani ting na numulo a lalaun mang e God ka alaun pas mulo, pa mulor toli ana matmataut pa koloron.

Kolosi 2:7

Anumulo lalaun ir suah a wakir o e Iesu sur ir gomo, pa mulor tur saot onoi. Mulor tur rakrakai ana tortorot larning di ka asaer tar mulo onoi, pa mulor bukus ana atong wakak tetek e God.

2 Tesalonika 2:4

Ir harum na warwara ana ututnala rop ning a tarai la atong la mang a godla pa la lotlotu tetek la, pa ir aitna pas i ot, pa ir kes ana rumai a artabar ane God, pa ir atatai onoi mang i ot e God.

1 Timoti 6:17

Ur atumarang la ning la tong akes a galis a ututnala te na rakrakan hanua sur gong la aleklek pas la ot. Pa gong la tortorot ana mani ning ir rarop ka. Lar tortorot ka o e God, ning i tabar dala ana wakak a ututnala rop sur dalar gas onoi.

Hibru 3:12

Na tastasikla, mulor tai alar mulo, sur gong tik o mulo a nuknukna ir mur a toltol laulau pa bel ir tortorot, pa ir han masik kusun e God, ning i laun.

Hibru 3:19

I maining dala oroi mang bel la tolsot pasi sur lar kas, anasa bel la tortorot.

Hibru 4:11

I maining dalar rakrakai sur dalar kas uting na hanua na manah ning, sur gong tik ondala ir punga arlar ana tarai ning bel la mur anuna warwara pa bel la kas.

Hibru 4:6

La ning la longor a Wakak a Warwara nating, bel la kas ting na nuna hanua na manah, anasa bel la mur anuna warwara. Ika a ngas i sapang ot, sur al tarai masik lar kas ting na nuna hanua na manah.

Jems 2:19

U tortorot mang takai ka a God. I wakak. A motla otleng la tortorot onoi larne, pa la matmataut pa la koloron.

Jems 4:6

Ika e God i saran tar a marmaris ning i itna kol tandala. I maining a Buk Tabu i atongi larne, “E God i anatarna pas la ning la sira aitna pas la, ika i maris la ning la sira anatarna pas la.” Sindaun 3:34

1 Pita 1:17

Mulo sira atong Tamamulo o e God. Pa i wakak ning mulor laun taum ana matmataut namatana, ana numulo a keskes a wasira te lapiu, anasa ir warkurai a taraila rop, ana ututnala rop ning la ka tol tari, pa bel ir purpurngis.

1 Pita 5:12

E Sailas i nangan iau ning a tumus a natar a pas ne tetek mulo. E Sailas a tasik ana tortorot, ning a tortorot kol onoi. Ana pas ne, a mang sur ar arakrakai mulo pa ar atai talapor mulo ana marmaris momol ane God. Mulor tur rakrakai onoi.

1 Pita 5:9

Mulor tur rakrakai ana tortorot pa mulor sairasi, anasa mulo tasmani mang na tastasimulo te na rakrakan hanua rop la kilang na kankan arlar o mulo.

Tatatai 18:7

Dir saran a tnan kankan pa a tnan bal maris tana, ir galis arlar ana tnan matatar pa a keskes na leklek ning i tong akesi. I nuki ono i ot mang, ‘Iau a kwin, pa a kes ana nuk a keskes a kwin. Bel iau a lao, bel ar bal maris lar pas.’

Tatatai 3:17

Mulo atongi mang, ‘Mila gongon, mila suah taum a galis a gongon pa bel mila kapan sur ta utna.’ Ika bel mulo oroi lalani mang anumulo a keskes bel i wakak, mulo pot na marmaris, mulo kapan, mulo kut pa mulo mengere.