A Pas ane Pol tetek a tarai Rom 11:10 - Label

¹⁰ Ur san akut a matanla sur gong la tai, pa ur noren la, sur a intaurunla ir bul tikin ana tnan mamahat.” Buk Song 69:22-23

A Pas ane Pol tetek a tarai Rom 11:10 ပူးပေါင်းရင်းမြစ်များ

A Pas ane Pol tetek a tarai Rom 1:21

La tasman ot e God, ika bel la aleklek pasi larning i e God, pa bel la atong wakak otleng teteki. La nuknuk oros ka, pa a balanla i mormorom, anasa bel ta tastasman inla.

A Pas ane Pol tetek a tarai Rom 11:8

Larning di ka tumus tari ting na Buk Tabu mange, “E God i aloklokron a nuknukinla, i san akut a matanla sur gong la tai, pa i akutkut a talnganla sur gong la longor, tuk onone.” Lo 29:4

Epeses 4:18

Anunla tastasmai i mormorom pa la bakbak kusun a lalaun ane God, anasa bel la tasman a momolna, anasa a balanla i rakrakai kol.

2 Pita 2:17

Na barsan ne, la arlar ana matmatana malumla ning la ka masa, pa la arlar otleng ana laukap ning a tnan wuwu i wus seni. E God ka sang tar a pukna sur la ana tnan mormorom.

2 Pita 2:4

Oroi i, e God bel i maris na angelo ning la tol a toltol laulau. I minggen purum sen la uting na iah, pa la dodot ting na tnan tung ning i mormorom, sur lar kes nanan a pukakiar a warkurai.

A Pas ane Jut 1:13

La arlar ana tnan top ning i takube, pa nunla na toltol na meme, ning bel la sira meme ono, i hanot talapor arlar ana busana. Pa la arlar otleng ana nangnangla ning bel la kes ting na ngasinla, la han taltal ka, pa e God ka sang tar a tnan mormorom sur la, ning bel ir rarop.

A Pas ane Jut 1:6

Pa angelola otleng, ning bel la mang sur a tiniba na warkurai ning e God i saran tari tanla, pa la han kusun anunla a keskes, e God ka dot akes tar la ana dodot tikin. Pa anone la ka kes ting na mormorom pa la harnanai sur a tnan pukakiar ning dir warkurai la ono.