A Pas ane Pol tetek a tarai Rom 1:30 - Label

³⁰ la arle, la nget e God, la harum, la dat abarah a pukulunla, la iaunan pas la ot. La nuknuk sur a tona ngas sur lar tol a laulauna. La tabun longor tetek na tamtamanla pa kabatnanla.

A Pas ane Pol tetek a tarai Rom 1:30 ပူးပေါင်းရင်းမြစ်များ

Matiu 15:4

Anasa e God i atongi mang, ‘Ur hanrawai e tamam pa e tnam,’ Kisim Bek 20:12 pa i atongi otleng mang, ‘Esining ir warwara laulau o e tamana pa e tana, dir umkoli.’ Kisim Bek 21:17

Matiu 16:21

Turpasi ana pukakiar ning, e Iesu i atalapor anuna kakak a asaerla mang, ir han ot usaot e Jerusalem. Pa ir kilang a galis a mamahat miting na kun a ningnigola, a leklek a tena artabarla tetek e God, pa a tena asaerla tagun a warkurai, pa dir umkoli. Ning natol a pukakiar ir rop ir laun ulak.

Luk 21:16

A tamtamamulola pa na kaba tnamulola, a tastasimulola, a maimulola, pa na halalimulola, lar saran sen mulo sur dir umkol al tarai o mulo.

Jon 7:7

A taraila ana rakrakan hanua bel lar nget mulo, ika la nget iau, anasa a atai la ana nunla na toltol laulaula.

Aposel 5:36

Dingla na rau nating e Teudas i hanot, pa i iaunani mang i itna, pa galis a tarai, ngandek i arlar ana diat a mar, la muri. Ika ning di umkoli, la rop ning la muri la han sarara, pa anuna titol i rop oros ka.

A Pas ane Pol tetek a tarai Rom 2:17

Ar warwara tetek mulo ning mulo atongi mang mulo na te Juda. Mulo nuki mang mulo tostos na matana e God anasa i saran tar a Warkuraila tetek mulo, pa mulo iaunan mulo mang, mulo ane God.

A Pas ane Pol tetek a tarai Rom 2:23

Mulo iaunan mulo ana Warkuraila ning e God i saran tari ta mulo, ika mulo alaulau a risana e God, anasa mulo kutus a Warkuraila.

A Pas ane Pol tetek a tarai Rom 3:27

Pa asa ma dalar iaunan pas dala onoi? Bel ta utna! Mangasa, dalar iaunan pas dala anasa dala mur a Warkuraila? Bel momol! Ana tortorot ka o e Iesu, dala tostos namatana e God.

2 Korin 10:15

Pa bel mila iaunan mila otleng on ta titol ning a taraila masik la ka tol tari. Ika mila tortorot mang, ning anumulo a tortorot ir gomo, anumila a titol otleng arpotor tamulo ir gomo kas,

2 Korin 12:20

A matmataut, sakana ning ar hanot tetek mulo, bel ar oroi barat a toltolla ning a mang sur ar oroi i. Pa mulo otleng bel mulor gas ana toltol ning ar hanot onoi. A matmataut sakana ar pastek pas a ngas a toltol larne: mulo warwara na arlak, mulo bal laulau, mulo balakut, mulo kes sarara, mulo arle, mulo warwara kumkumna, mulo dat abarah pukulumulo, pa anumulo a keskes i loklokron.

2 Tesalonika 2:4

Ir harum na warwara ana ututnala rop ning a tarai la atong la mang a godla pa la lotlotu tetek la, pa ir aitna pas i ot, pa ir kes ana rumai a artabar ane God, pa ir atatai onoi mang i ot e God.

2 Timoti 3:2

A tarai lar nuk pas la ot, lar mang sur a mani, lar rakan aleklek la, lar aitna pas la ot, lar arle tetek e God pa tetek a taraila otleng, lar tabun longor tetek a tamtamanla taum ana kabatnanla, bel lar lasan sur lar atong wakak tetek e God pa tetek a tarai otleng, pa bel lar hanrawai e God.

Taitus 3:3

Anasa dala otleng lanigo, bel dala mananos, dala na tabun longor, dala han rongo, dala kes ana dodot ana nundala a laulau a nuknuk pa a urmatana ututnala rop ning dala gas suri. Ana nundala a keskes a lalaun, dala tol a laulau a utna, dala ram, a tarai la nget dala, pa dala otleng dala nget la.

Jems 3:5

Larka otleng a laigeremindala, a natar a pukna ka miting na palaondala, ika i sira aitna pasi ana tatatnan utna ning i sira toli. Mulo oroi i, ta natar a kalar ka ana iah ir tolsot sur ir tun arop ta tnan lokor.

Jems 4:16

Ika anone, mulo ka iaunan pas mulo pa mulo aitna pas mulo ana anumulo na warwara. A toltol larning i laulau.

2 Pita 2:18

La aitna pas la ana warwarala oros ka, pa la alam a taraila sur lar mur a pamuk a toltol ana lalaun turai. Ana ngasna ne, la alam a taraila ning belot i bongnan la anunla tinan masik kusun a tena laulaula.

A Pas ane Jut 1:16

A tarai ne, la na tena abereng wara pa na tena linglingir. La mur a laulau a nuknukinla, pa la aitna pas la ot. La amoro pas ka a tarai ana anunla na namnamin a warwara, sur lar kibas ta utna kusun la.