A Pas ane Pol tetek a tarai Rom 1:23 - Label

²³ Bel la mang sur lar lotu tetek e God ning i laun tikin, pa i bukus ana matatar. La lotu ka tetek a manarla ana tarai ning la sira mat ka, pa tetek a manarla ana manila, pa a inagoila, pa a ututnala ning la kaukawar.

A Pas ane Pol tetek a tarai Rom 1:23 ပူးပေါင်းရင်းမြစ်များ

Aposel 10:12

Tingui onoi a urmatana inagoi, pa la ning la kawar, pa manila otleng.

Aposel 17:29

“Ning dala na natnat e God, bel i wakak sur dalar nuki mang e God i arlar ana manar a gol, o silva, o a hat, ning a tarai la nuk otnan pasi pa la toli ana kunla.

A Pas ane Pol tetek a tarai Rom 1:25

La keles sen a momolna o e God sur a asasongo. La lotu pa la nunung kama tetek a ututnala ning e God i akes tar la, pa bel ma la lotu tetek a Tena Akakes, i ning dir atong aleklek pasi onone pa lamur pa bel ir rarop. Amen.

1 Korin 12:2

Mulo tasmani mang, ning belot mulo tortorot, di ben rongon pas mulo ana urmatana ngas, tetek a asasongo na godla, ning bel la sira warwara, pa mulo lotu tetek la.

1 Pita 4:3

Ka bongnan mulo ning mulo ka tol tar na toltol laulau, ning na tarai ning bel la tortorot la mang sur lar toli. La tol na toltol a pamuk, la mur na laulau a nuknukinla, la sipak pa la kukuk taltal taum ana longlong a toltol, pa la tol orosi ka na toltol ning bel i wakak. Pa la lotu tetek a asasongo a godla, ning e God i sairas dala kusuni.

Tatatai 9:20

Pa a tarai ning a laulau a akadikla ne bel i um kol la, bel la lingir a nuknukinla kusun a manarla ning la toli ona kunla. Bel la manah ana lotu tetek a motla pa na manarla ana gol, pa silwa, pa bras, pa hat, pa na rakaila. Na manarla ning, bel la tai, bel la longor pa bel la sira han.