Pilipai 4:6 - Label

⁶ Gong mulo nuknuk kol sur ta utna. Ana ututnala rop, mulor nunung ana nunung a atong wakak tetek e God. Pa mulor atai i ana sa ning mulo mang suri.

Pilipai 4:6 ပူးပေါင်းရင်းမြစ်များ

Matiu 10:19

Ning dir dat pas mulo, gong mulo matmataut sur asa mulor atongi, pa mulor warwara mangmangasa, anasa ana taem ot ning, e God ir saran tar a warwara ning mulor atongi.

Matiu 13:22

A patnala ning la punga tar ting na tinine rosrosla, la arlar ana barsan ning i longor a warwara, ika a nuknukna sur a wakak a keskes te lapiu, pa nuknuk otleng sur anuna gongon ning i asongo a nuknukna, la rau alar a warwara ane God, pa bel i wai.

Matiu 6:34

Pa gong mulo nuknuk kol sur a pukakiar latu, anasa latu ir nuknuk ot suri. A mamahatla ona taktakai a pukakiar i to pasi ot a pukakiar ning.

Matiu 6:8

Gong mulo arlar onla, anasa a Tamamulo ka tasman tar asa rop ning mulo kapan suri, ning belot mulo nunung.

Luk 10:41

A Leklek i kelesi mang, “Mata, Mata, u nuknuk kol ana galis a utna!

Luk 12:22

E Iesu i atai anuna kakak a asaerla mang, “I maining a atongi ta mulo mang, gong mulo nuknuk kol ana numulo a lalaun mang asaning mulor ieni, pa ana palaomulo otleng mang asa mulor mermer ono.

Luk 12:29

Gong mulo tai sur asaning mulor ieni, pa asaning mulor gangi, pa gong mulo nuknuk kol onoi.

Luk 18:1

E Iesu i warwara ana warwara larlar tetek anuna kakak a asaerla sur ir asaer la sur lar nunung bolbolos pa gong la ngoro.

Luk 18:7

I mangasa, e God bel ir atostos anuna tarai a aslang, ning la tangis teteki ana kamis pa a morom otleng? I mangasa, ir molmolot pa bel ir atostos kapit la?

1 Korin 7:21

Ning u a tena titol oros ning e God ka kabah pas u, gong u nuknuk sur anuma keskes na tena titol oros. Ika, ning ta ngas sur ur langolango onoi, i wakak sur ur muri.

1 Korin 7:32

A mang sur mulor langolango kusun a toltol na nuknuk kol. A barsan ning bel i taulai, i molot ana titol anuna Leklek sur ir agasgas a Leklek.

2 Korin 1:11

ning mulor nangan mila ana nunung. I maining a galis a tarai lar atong wakak tetek e God omila, anasa i maris mila pa i longor anunla na nunungla.

Epeses 5:20

Pa ana pukakiarla rop, mulor atong wakak ana ututnala rop tetek e God a Tamandala, ana risana e Iesu Karisito anundala a Leklek.

Epeses 6:18

Mulor nunung taum ana rakrakai ana Talngan Tabu ana pukakiarla rop, taum ana urmatana nunung rop. Mulor kes na sang, pa mulor sira nunung bolbolos ana taraila rop ane God.

Kolosi 3:15

I wakak ning a bal molmol ning e Karisito i tabar mulo onoi ir nigon mulo ana lalaun anumulo. Anasa mulo a didiah palaona e Karisito, pa e God i kabah pas mulo sur mulor kes taum ana bal molmol. Pa mulor sira atong wakak tetek e God.

Kolosi 3:17

Ana ututnala rop ning mulo toli pa mulo atongi, mulor toli ot ana risan a Leklek e Iesu, pa mulor atong wakak tetek e God a Tamandala, anasa ana titol ning e Karisito i toli o mulo.

Kolosi 4:2

Mulor rakrakai ana nunung. Ning mulo nunung, a nuknukimulo ir talapor, pa mulor atong wakak tetek e God.

1 Timoti 2:1

A ningnigo na utna, a mang sur a tarai a lotu lar nunung, lar nunung sur a utna ning la kapan suri, lar nunung sur a taraila masik, pa lar nunung sur a atong wakak tetek e God. Mulor nunung larning sur a taraila rop,

1 Timoti 5:5

A lao ning i sot ka i kes pa bel tik i tai alari, i tortorot ka o e God ir nangani. I rakrakai ana lotu pa a nunung, ana moromla pa a kabakiarla, sur e God ir nangani.

1 Pita 4:7

A ararop ana ututnala rop ka milau. I maining mulor nuknuk wakak pa mulor warkurai tostos anumulo a lalaun, sur mulor tol sot sur mulor nunung.

1 Pita 5:7

Mulor saran rop tar anumulo na mamahat tetek e God, anasa i sira tai alar mulo.