Pilipai 4:22 - Label

²² Na tarai ane God la rop la saran anunla na marmaris tetek mulo, pa a tarai ane God ning la kes ting na rumai anuna Sisar la otleng la saran anunla na marmaris tetek mulo.

Pilipai 4:22 ပူးပေါင်းရင်းမြစ်များ

Matiu 5:47

Ning mulo gas pas ka sur na halalalimulo, mulor wakak kol tan a tarai masikla mangmangasa? A tarai otleng ning bel la tortorot la gasgas pas ka sur na halalalinla, gepi?

Aposel 20:38

Pa a tarai la nuk lingir kol la, anasa ka atai tar la mang bel ma lar tai taum ulak. Pa lamur la tur tulani ting na ngas sur a sip.

Aposel 9:13

Pa e Ananias i kelesi mang, “Leklek, ia ka longor a galis a warwara ana barsan ning, pa a toltol laulau ning i toli ona anuma tarai saot e Jerusalem.

A Pas ane Pol tetek a tarai Rom 16:16

Ning mulo arsongo mulor maris artalai mulo ana argoro na marmaris, pa mulor toli ana totoh na toltol. A tarai a lotu ane Karisito miting na hananuala rop la saran anunla marmaris tetek mulo.

2 Korin 13:13

A taraila rop ane God ning la kes taum hok la saran anunla na marmaris tetek mulo.

Pilipai 1:13

Pa ine, i talapor tetek na tena harum rop ning la tai alar a rumai anuna ningnigo ana matanitu Rom, pa tetek a taraila rop otleng, mang a kes te na rumai a dodot anasa iau ane Karisito.

Hibru 13:24

Mulor saran anumila marmaris tetek anumulo na ningnigola rop, pa tetek a taraila rop ane God. La otleng mitimo e Itali la saran anunla marmaris tetek mulo.

1 Pita 5:13

A tarai a lotu ning la kes te e Babilon, la saran anunla na marmaris tetek mulo. La a tarai na aslang ane God taum o mulo. E Mak, a natuklik ana tortorot, i otleng i saran anuna marmaris tetek mulo.

3 Jon 1:14

Ika a nuki mang ar pastek u par awara u.