Pilipai 4:11 - Label

¹¹ Bel a atongi larne anasa a kapan. Anasa ia ka asaer pas sur a nuknukik ir manah ana ngas a keskes ning ir barat iau.

Pilipai 4:11 ပူးပေါင်းရင်းမြစ်များ

Luk 3:14

Pa dingla na tena harum la dekeni mang, “Pa mila, asaning milar toli?” Pa i keles la mang, “Gong mulo angongos pas a mani kusun a tarai, pa gong mulo artitiu asasongo, mulor gasgas ka ana numulo na arlou.”

2 Korin 11:27

A rakrakai pa a titol rakrakai. Pa galis a taem bel a tolsot sur ar borbor. A galis a taem a mos pa a murak. Pa dingla na taem a kapan sur a kaen pa a kilang a kotkoto.

2 Korin 6:10

Mila bal maris, ika mila sira gas ana pukakiarla rop. Mila kapan, ika mila sira angisngis a galis a tarai ana gongon ana ingun. Bel anumila al utna, ika a ututnala rop anumila.

2 Korin 8:9

Anasa mulo tasman a marmaris ana nundala a Leklek e Iesu Karisito. I ot i angis kol, ika i han kusun anun a wakak a keskes saot na langit, anasa i maris mulo. I kes na kapan te na rakrakan hanua, sur mulo, mulor angis.

2 Korin 9:8

E God i tolsot sur ir tabar mulo ana ututnala rop ning mulo kapan suri, pa i galis tana utna ning mulo kapan suri. Pa ana pukakiarla rop bel mulor kapan sur ta utna, a ututnala rop ning mulo kapan suri kaning ka, pa al utna otleng sur mulor tol a wakak a titolla onoi.

Pilipai 3:8

Momol, a ututnala rop, la utna oros kama tetek iau, bel ma a tortorot onla. Ning a utna ka i wakak kol, sur ar tasman e Karisito Iesu anuka Leklek. A ututnala rop la ka rop kusun iau, anasa o e Karisito Iesu. La arlar kama ana beren tetek iau, sur ar kibas pas e Karisito ana nuk a lalaun,

Hibru 10:34

Mulo mang kol sur la ning la kes ting na rumai a dodot pa mulo nangan la. Pa mulo gas ka ning a tarai la ras pas anumulo na ututnala, anasa mulo tasmani mang anumulo a ututnala masik, ning lar tur tikin, pa la wakak kol tana ututnala ning la ras pasi.