Pilipai 3:20 - Label

²⁰ Ika dala, a hanua momol ngasindala saot na langit, pa dala misaot ia. Pa dala sira harnanai taum ana tnan gasgas sur a Tena Alaun ning ir han purum misaot, a Leklek e Iesu Karisito.

Pilipai 3:20 ပူးပေါင်းရင်းမြစ်များ

Matiu 19:21

E Iesu i kelesi mang, “Ning u mang sur ur tostos momol, ur han pa ur siuran sen anuma gongonla rop, pa a mani taguni, ur tabar a kapan a tarai ono. Ning ur toli larning, anuma wakak a gongon kanisaot na langit. Lamur ur han ute pa ur mur iau.”

Luk 12:21

Ir manglarning tetek la ning la gongon tetek la ot, ika bel la leklek namatana e God.”

Luk 14:14

Ning ur toli larne ur angis. Anasa belal utna na hangan anlai sur lar kelesi tetek u, e God ir kelesi tetek u ana pukakiar ning a tena tostosla lar laun ulak.”

Aposel 1:11

Pa dia atongi mang, “A tarai Galilila, sur asa ning mulo tur pa mulo tandai tikin usaot na langit? E Iesu ning di ka los pasi kusun mulo usaot na langit, ir hanot ulak ute, larotne mulo ka oroi i, ning i han usaot.”

1 Korin 1:7

I maining bel mulor kapan sur ta artabar anuna Talngan Tabu tetek mulo, pa mulo harnanai ana gasgas sur anundala a Leklek e Iesu Karisito ning ir hanot talapor.

1 Korin 15:48

A taraila ning mite lapiu la arlar ana barsan ning e God i toli ana piu. Pa la ning misaot na langit, la arlar ana barsan misaot na langit.

2 Korin 4:18

Bel mila suah tar a nuknukimila ting na ututnala ning di oroi i, mila suah tar ka a nuknukimila ting na ututnala ning bel di oroi i. Anasa a ututnala ning di oroi i, bel ir kes bongnani, ika a ututnala ning bel di oroi i, ir kes tikin.

2 Korin 5:8

Ika mila tasman momoli mang milar gas ning milar han kusun a palaomila ne, pa milar kes taum ana Leklek.

Galesia 4:26

Ika e Jerusalem saot na langit, i kes langolango pa i arlar o e Sara, a hane ning i kes langolango, pa i a kabatnandala na tena tortorot.

Epeses 2:19

I maining mulo bel ulak ma mulo a wasirala. Onone mulo takai kama taum ana tarai ane God, pa mulo hanot a mangis a tarai ane God.

Epeses 2:6

Ning dala kaning o e Karisito Iesu, e God i akamtur dala taum o e Karisito kusun a minat, pa i akes dala taum onoi saot na langit sur dalar warkurai taum onoi.

Pilipai 1:10

sur mulor tolsot pasi sur mulor tasman lalan asaning i wakak kol, pa mulor totoh, pa bel dir arup sot pas mulo on ta rongo ana pukakiar ning e Karisito ir hanot onoi.

Pilipai 1:27

Asa ning ir hanot, mulor tai alar anumulo a lalaun sur ir mur a Wakak a Warwara ane Karisito. Larne, ning ar han sur ar oroi mulo, o ning ar kes bakbak pa ar longor ka a warwara o mulo, ar tasmani mang mulo tur rakrakai ana takai ka a nuknuk, pa mulo titol taum arlar ana takai ka barsan sur mulor tai alar a Wakak a Warwara, ning dala tortorot onoi,

Kolosi 1:5

Anumulo tortorot pa marmaris ne i kamkamna ana numulo a keskes harnanai ana tortorot sur a utna ning e God i tai alari sur mulo saot na langit. A utna ning, mulo ka longor tar a warwara onoi, ting na momol a warwara, i a Wakak a Warwara

1 Tesalonika 1:10

Pa la atatai otleng o mulo mang, mulo harnanai sur e Natnalik ning ir han purum misaot ana langit, esaning e God ka akamtur ulak pasi kusun a minat. E Iesu, ning i alaun pas dala kusun a balakut ane God ning ir hanot.

1 Tesalonika 4:16

Anasa a Leklek ot ir han purum misaot na langit, a elngen tik ir arkabah, a ningnigo anuna angelola ir warwara, a tawuru ane God ir tangis, pa la ning la mat pa la tortorot o e Karisito lar kamtur nigo.

2 Timoti 4:8

A nanan a harlou ning e God ka suah tari sur iau, anasa a tostos namatana. A Leklek, a tostos na Tena warkurai ir sarani tak ana pukakiar na warkurai. Pa bel tetek iau ka, ir saran a harlou ning tetek la rop ning la mang kol sur ir ulak.

Taitus 2:13

ning dala harnanai ana tortorot sur a pukakiar na gas ning ir hanot. A pukakiar ning anundala a leklek e God, e Iesu Karisito, anundala a Tena Alaun ir hanot taum ana anuna matatar.

Hibru 12:22

Ika, mulo ka hanot saot na mangir Saion, e Jerusalem saot na langit, a hanua ane God, ning a lalauna. Mulo ka hanot tetek a galis a angelola kol ning bel dir was lar pas la, ning la kes taum ana gasgas.

Hibru 9:28

Mang otleng larning e Karisito i saran tar i ot sur a artabar tetek e God muntakai ka, sur ir kibas maskan sen a toltol laulaula anuna galis a taraila. Pa ir hanot munaur ulak. Bel sur ir kibas maskan sen a toltol laulaula. Ir hanot sur ir alaun pas la ning la harnanai suri.

Tatatai 1:7

Oroi, i han purum ana diah bakut, pa a matana tarai rop lar oroi i, pa la otleng ning la so tari, pa a mangis a tarai rop te na rakrakan hanua lar domos anasa onoi. Ir hanot lar otning. Amen.