Pilipai 3:18 - Label

¹⁸ Anasa a galis la lalaun arlar ana hiruala ana rakai kutus ane Karisito, larning ia ka atai tar mulo a galis a pukakiar, pa onone a tangis ning a atong ulaki tamulo.

Pilipai 3:18 ပူးပေါင်းရင်းမြစ်များ

Luk 19:41

Ning e Iesu i milau e Jerusalem pa i oroi i, i tangis ono, pa i atongi,

Aposel 20:19

A tarai Juda la warwara taum sur lar alaulau iau, pa a kilang a mamahat onoi. Ika, a titol ot tetek a Leklek, a atarna pas iau pa a luru matak i punga.

A Pas ane Pol tetek a tarai Rom 9:2

A nuknukik i mamahat kol, pa anuka bal maris bel i manah.

1 Korin 1:18

Anasa a warwara ana rakai kutus, a longlong a warwara ka tetek la ning la han sur a hirua. Ika, tetek dala ning e God i alaun dala, a warwara ana rakai kutus, i a rakrakai ane God.

1 Korin 6:9

Mangasa, bel mulo tasmani mang la ning la tol a laulauna bel lar kibas a matanitu ane God? Gong mulo asongo ulak mulo ot. Anasa la ning la tol na pamuk a toltol, pa la ning la lotu tetek a asasongo na godla, pa la ning bel la hanrawai a keskes a taulai, pa la ning na pamuk a barsan ning la siuran a palaonla, pa na barsan ning la taulai ulak ana barsanla,

2 Korin 11:13

Anasa a taraila ning, a asasongo na aposella, a asasongo na tena titolla, pa la lingir pas la sur lar arlar ana aposella ane Karisito.

2 Korin 11:29

Ning tik anuna tortorot bel i rakrakai, iau otleng ar kilangi larne. Ning tik di ka ben tari uting na toltol laulau, ir itna kol anuk a bal maris ono.

2 Korin 2:4

A tumtumus tetek mulo ana bal maris, pa a nuknukik i mamahat kol pa a luru matak i punga. Bel a tumtumus sur ar saran a bal maris tetek mulo, a mang sur mulor tasmani mang a mang kol sur mulo.

Galesia 1:7

A asasaer ning, bel a Wakak a Warwara, ika onone dingla na tarai la aloklokron mulo pa la mang sur lar lingir a Wakak a Warwara o e Karisito.

Galesia 2:14

Ning a oroi a utna ne la toli, bel i mur a momolna ana Wakak a Warwara, a atai e Pita namatanla rop mang, “Pita, u a te Juda, ika u laun arlar ana taraila ning bel a tarai Juda, ning u kes pa u hangan taum onla. Asa kamkamna ning u angongos a taraila ning bel a tarai Juda sur lar mur a toltol anuna tarai Juda?

Galesia 2:21

Bel a noren oros tar a marmaris ane God. Ngandek ning e God ir atong tik mang i a tena tostos ana mur Warkuraila, e Karisito i mat oros ka.”

Galesia 5:21

a ram sur a utna ana tik masik, a sipak, a kukuk taltal taum ana longlong a toltol, pa al toltol laulau otleng larning. Ia ka atumarang nigon tar mulo kaba, pa ne a atumarang mulo ulak, mang a taraila ning la tol a toltolla ne, bel lar kibas pas a matanitu ane God.

Galesia 6:12

La ning la tohi sur lar ngongos pas mulo sur dir kot talilis mulo, la toli anasa la mang sur lar aleklek pas la namatana taraila. La toli larne anasa la matmataut sakana dir akadik la, ning lar warawai ka ana tortorot ana rakai kutus ane Karisito.

Galesia 6:14

Iau ot bel ar aitna pas iau. Ar aitna pas ka anundala Leklek e Iesu Karisito ning i mat saot na rakai kutus. Anasa saot na rakai kutus, a toltol mite na rakrakan hanua i mat kusun iau, pa iau otleng, ia ka mat kusun a toltolla mite na rakrakan hanua.

Epeses 4:17

A atai mulo ana risana Leklek, pa a atumarang mulo mang gong ulak ma mulo laun arlar ana taraila ning bel la tortorot. A nuknukinla bel i topas ta utna.

Pilipai 1:4

Pa ana nuk na nunung rop sur mulo rop, a nunung taum ana gasgas,

1 Tesalonika 4:6

Gong ta halimulo i tol a laulauna ana hane ane tasnalik ana tortorot. Ning ir toli larning, i asasongo ka e tasnalik. Mitol ka atong tari pa mitol ka atumarang tar mulo mang, a Leklek ir saran a warkurai na arkeles tetek la ning la tol a toltolla larne.

2 Tesalonika 3:11

Mitol longori mang dingla o mulo la ngoro. Bel la titol, la molot ka ana subaran la ana utna ning bel anunla.

2 Pita 2:10

Pa a Leklek ir warkurai rakrakai la ning la mur na dur a toltol ana lalaun turai, pa la nget anuna warkurai. Na asasongo na tena asaer ning bel la matmataut ana ta utna, la nuk aitna pas la ot. Bel la matmataut ning la atong laulau na akakes ning kanisaot na langit.

A Pas ane Jut 1:13

La arlar ana tnan top ning i takube, pa nunla na toltol na meme, ning bel la sira meme ono, i hanot talapor arlar ana busana. Pa la arlar otleng ana nangnangla ning bel la kes ting na ngasinla, la han taltal ka, pa e God ka sang tar a tnan mormorom sur la, ning bel ir rarop.