Pilipai 2:3 - Label

³ Gong mulo tol ta utna ning mulor aitna pas mulo onoi, o mulor aunan mulo onoi. Mulor anatarna pas mulo pa mulor nuk aitna pas a tarai masik sur lar itna tamulo.

Pilipai 2:3 ပူးပေါင်းရင်းမြစ်များ

Luk 18:14

A atongi ta mulo, a barsan ne, ning i ulak sur anuna rumai, i ka tostos namatana e God, pa ning a halindiau bel. Anasa esining i aitna pasi dir anatarna pasi, pa esining i anatarna pasi, dir aitna pasi.”

A Pas ane Pol tetek a tarai Rom 12:10

Mulor mang artalai sur mulo larning mulo mang sur na tastasimulo. Mulor hanrawai artalai mulo, pa gong mulo nuk pas mulo ot.

A Pas ane Pol tetek a tarai Rom 13:13

Dalar mur a tostos a toltol, larning dala laun ana kabakiar. Gong dala sipak, pa gong dala kukuk taltal taum ana longlong a toltol. Gong dala tol a pamuk a toltol, pa gong dala tol a utna na meme. Gong dala arngaras, pa gong dala bal laulau.

A Pas ane Pol tetek a tarai Rom 2:8

Ika tetek la ning la sira aitna pas la ot, pa bel la mur a momol a warwara ane God, pa la mur ka a toltol laulau, e God ir balakut tetek la pa ir balana kut tetek la.

1 Korin 15:9

Anasa iau, a natarna kol tana aposella rop, pa bel a wakak sur dir atong iau a aposel, anasa a sira alaulau a tarai a lotu ane God.

1 Korin 3:3

Mulo mur ot na toltol mite na rakrakan hanua. I talapor mang mulo laun ot arlar ana tarai mite na rakrakan hanua, anasa mulo sira nuknuk laulau pa mulo sira warwara na balakut artalai. Mulo laun arlar onla ning bel la tortorot.

2 Korin 12:20

A matmataut, sakana ning ar hanot tetek mulo, bel ar oroi barat a toltolla ning a mang sur ar oroi i. Pa mulo otleng bel mulor gas ana toltol ning ar hanot onoi. A matmataut sakana ar pastek pas a ngas a toltol larne: mulo warwara na arlak, mulo bal laulau, mulo balakut, mulo kes sarara, mulo arle, mulo warwara kumkumna, mulo dat abarah pukulumulo, pa anumulo a keskes i loklokron.

Galesia 5:15

Ika ning mulo akadik artalai mulo arlar ana inagoila ning la harat artalai la pa la ien artalai la, mulor atumarang mulo, sakana mulor alaulau rop sen mulo.

Galesia 5:26

Gong dala iaunan, gong dala akutkut artalai dala, pa gong dala ram sur a utna ana tik masik.

Epeses 4:2

Mulor anatarna pas mulo, pa mulor kes na molmol. Mulor asangan a longoroi a toltol, pa mulor mang artalai sur mulo, pa gong mulo keles a toltol anuna tik.

Epeses 5:21

Mulor anatarna pas mulo artalai, anasa mulo hanrawai tetek e Karisito.

Pilipai 2:14

Ana ututnala rop ning mulo toli, gong mulo ururai pa gong mulo arngaras ono,

Kolosi 3:12

Mulo na totoh a tarai ane God, ning i maris mulo, pa i aslang pas mulo. I maining i wakak sur mulor mermer taum ana toltolla ne: mulor nangan a taraila, mulor tol a wakakna tetek la, mulor anatarna pas mulo, mulor kes a bal molmol pa mulor asangan a molmol na toltol.

Kolosi 3:8

Ika onone, mulor kepsen a toltolla rop ne: a balakut, a arlak, a toltol laulaula, a warwara laulau, pa a arle otleng.

1 Timoti 6:4

a ngas a barsan ning, i aitna pas i ot, pa bel i tasman ta utna. Anuna laulau a nuknuk sur a arlak pa a harum na warwara i arlar ana tinsaman teteki. Naur a toltol ne i tol otnan a toltol ne: a toltol ning tik i ram sur a utna anuna tik, a harum na warwara, a arle, a nuknuk laulau ana taraila.

1 Pita 3:8

Anuk na ararop a warwara tetek mulo rop larne, i wakak sur ir takai ka a nuknukimulo, pa ning ta halimulo ir kilang a mamahat, mulo otleng mulor kilangi taum onoi. Mulor mang artalai sur mulo larning mulo tas, mulor lasan ana marmaris, pa mulor anatarna pas mulo.

1 Pita 5:5

Mang otleng larning, mulo na barman, mulor sira anatarna pas mulo tetek la ning la nigo ta mulo. Mulo rop mulor anatarna pas mulo artalai, esaning anumulo a wakak a mermer. Anasa a Buk Tabu i atongi mang, “E God i nget esining i aitna pasi ot, pa i maris esining i anatarna pasi.”