Pilipai 1:5 - Label

⁵ anasa mulo tur taum hok ana Wakak a Warwara, turpasi ana ningnigo na pukakiar ning mulo longori tuk onone.

Pilipai 1:5 ပူးပေါင်းရင်းမြစ်များ

Aposel 2:42

Pa la saran tar la ana asasaer anuna aposella, ana kes taum ana marmaris, pa ana utna na hangan taum, pa ana nunung.

A Pas ane Pol tetek a tarai Rom 11:17

A tarai Israel la arlar ana rakai a oliw momol ning di ka oman tari, pa mulo a tarai masik mulo arlar ana lomlom a rakai a oliw. E God i kuben pas dingla na rakrakana rakai a oliw momol, pa i kibas pas dingla na rakrakana lomlom a oliw, pa i tol a bading onla ting na rakai a oliw momol. Pa onone, mulo laun ana polo ning i han miting na wakir a rakai a oliw momol.

A Pas ane Pol tetek a tarai Rom 12:13

Ning a tarai ane God la kapan sur ta utna, mulor nangan la. Mulor gas pas na wasira ting na numulo na rumai.

A Pas ane Pol tetek a tarai Rom 15:26

Na tena tortorot to na naur a papar Makedonia pa e Akaia la gas sur lar minggen taum a mani, sur lar nangan a tarai ane God ning la kapan saot e Jerusalem.

1 Korin 1:9

Pa a utna ne ning e God i atongi ir toli ot. Pa i kabah pas mulo sur mulor lasan taum o e Natnalik e Iesu Karisito anundala a Leklek.

2 Korin 8:1

Na tastasimila, mila mang sur mulor tasman a marmaris ning e God i saran tari tetek a tarai a lotu tumo na papar Masedonia.

Epeses 3:6

Ine a utna ning i mumun tar nating: La ning bel na tarai Juda, lar kibas a ututnala ning e God i angis tar na natnatunla ono, taum ana tarai Juda. Pa la rop la hanot takai a palaonla kama. Pa ning la longor ana Wakak a Warwara, a lele ane God ning i tolsoti o e Karisito Iesu, anunla otleng.

Pilipai 1:12

Na tastasik, a mang sur mulor tasmani mang asaning i hanot hok, i agomo a Wakak a Warwara sur ir han sarara.

Pilipai 1:16

La warawai anasa a marmaris i kes ting na balanla. La tasmani mang a kes te na rumai a dodot sur ar keles a warwara anuna tarai ning la atong laulau a Wakak a Warwara.

Pilipai 1:27

Asa ning ir hanot, mulor tai alar anumulo a lalaun sur ir mur a Wakak a Warwara ane Karisito. Larne, ning ar han sur ar oroi mulo, o ning ar kes bakbak pa ar longor ka a warwara o mulo, ar tasmani mang mulo tur rakrakai ana takai ka a nuknuk, pa mulo titol taum arlar ana takai ka barsan sur mulor tai alar a Wakak a Warwara, ning dala tortorot onoi,

Pilipai 1:7

I tostos sur ar nuknuk larne o mulo rop, anasa mulo kes momol te na nuknukik. Ning a kes te na rumai a dodot, pa a keles a warwara anuna tarai ning la atong laulau a Wakak a Warwara, pa a apuasa i tetek a taraila, dala rop dala tur taum ana titol ne, ning e God i saran tari tak ana nuna marmaris.

Pilipai 2:12

Na halalik, mulo sira longlongor ana pukakiarla ning a kes napirimulo. Pa onone, ning bel a kes taum o mulo, i wakak sur mulor rakrakai ana longor. Mulor sira asangani ting na numulo a lalaun mang e God ka alaun pas mulo, pa mulor toli ana matmataut pa koloron.

Pilipai 2:22

Ika mulo ka tasman a wakak a toltol ane Timoti, ning i titol taum hok ana warawai ana Wakak a Warwara arlar ana kaklik ning i titol taum o e tamana.

Pilipai 4:3

Pa u otleng ning a momol a tena titol taum hok, a nunung u sur ur nangan naur a hane ne, anasa dia titol rakrakai taum hok sur a Wakak a Warwara ir han sarara. Mila titol taum o e Kelemen, pa dingla na tarai otleng ning a risanla ka kes tar ana buk a lalaun.

Pilimon 1:17

Ning u nuki mang da halna, ur gas ulak pas e Onesimus, arlar larning ur gas pas iau ot.

Hibru 3:14

Dala o e Karisito, ning dalar tur rakrakai ana tortorot tuk ana araropna, arlar larning dala turpasi nating.

2 Pita 1:1

Iau e Saimon Pita, a tena titol oros pa aposel ane Iesu Karisito. A tumtumus tetek mulo ning e God ka tabar tar mulo ana tortorot, anasa ana tostos a toltol ane Iesu Karisito, anundala a God pa nundala a Tena Alaun. A tortorot ning, i wakak kol arlar ana anumila a tortorot.

1 Jon 1:3

Mila warwara talapor tetek mulo o esaning mila ka oroi tari pa mila ka longor tari, sur dalar bal taum, larning mila bal taum o e Tamandala, pa e Natnalik e Iesu Karisito.

1 Jon 1:7

Ning dala laun ana talapor, arlar o e God i kes ana talapor, dalar bal artalai dala, pa suluk e Iesu, e Natnalik, ir atotoh dala kusun a toltol laulaula rop.