Pilipai 1:23 - Label

²³ I naur a nuknukik. Takai, a mang kol sur ar han par kes taum o e Karisito, esaning i wakak kol tan ning a halindiau.

Pilipai 1:23 ပူးပေါင်းရင်းမြစ်များ

Luk 12:50

A baptais ona minatik kaning ot ning dir baptais iau onoi, pa onone a los a tnan mamahat tuk ning dir tolsot pasi.

Luk 23:43

Pa i kelesi mang, “A atong momoli tam, ono ot ne ur kes taum hok saot na Paradais.”

Luk 8:38

A barsan ning a motla la purum kusuni, i nunung e Iesu sur diar armuri. Ika e Iesu i sune seni ka mang,

Jon 12:26

Esining ir titol tetek iau, i wakak ning ir mur iau, pa i anuka tena titol pa ir kes taum hok ting na pukna ning ar kes ia. Esining ir titol tetek iau, e Tata ir aleklek pasi.

Jon 13:1

Ning ka milau a lotu na Han Lakai, e Iesu ka tasmani mang ka milau sur ir han kusun a rakrakan hanua, pa ir han tetek e Tamana. I maris kol anuna taraila ning la kes te na rakrakan hanua, pa ine i asangan anuna tnan marmaris tetek la, a marmaris ning bel ta araropna.

Jon 14:3

Ning ia ka sang tar a pukna sur mulo, ar ulak, pa ar ben pas mulo tetek iau, sur mulo otleng mulor kes ting na hanua ning ar kes ia.

Jon 17:24

“Tata, la ning u ka saran tar la tak, a mang sur lar kes taum hok ting na hanua ning ar kes ia, sur lar oroi anuka matatar, ning u saran tari tak, anasa u mang sur iau nating ot ning belot di akes a rakrakan hanua.

Aposel 7:59

Ning kaning ot la wololoti, e Stiwen i nunung mange, “Leklek e Iesu, ur los pas a inguk.”

2 Korin 5:8

Ika mila tasman momoli mang milar gas ning milar han kusun a palaomila ne, pa milar kes taum ana Leklek.

2 Korin 6:12

Mila saran anumila a marmaris tetek mulo, ika mulo ot mulo tong akes anumulo a marmaris kusun mila.

Pilipai 1:24

Ika i wakak kol sur ar laun, sur ar nangan mulo.

1 Tesalonika 2:1

Na tastasimitol, mulo ot mulo tasmani mang anumitol a tinan ot tetek mulo bel i utna oros ka, i suah ot a wana.

1 Tesalonika 2:13

Pa mitol sira atong wakak otleng tetek e God mange, ning mulo longor a warwarala ane God ta mitol, mulo kibasi. Bel mulo kibasi arlar ana warwarala ka anuna tarai, mulo kibasi anasa a warwara ot ane God. A warwara ning kaning i titol ting na lalaun anumulo ning mulo ka tortorot.

1 Tesalonika 4:17

Lamur, dala ning kaning ot dala laun, dir los taum pas dala usaot na didiah bakut sur dalar arsongo taum ana Leklek ting na puka solsolna. Pa larning, dalar kes tikin taum ana Leklek.

2 Timoti 4:6

Anasa milau ar mat pa a sulukik ir tapek. Ir arlar ana wain ning di peki ana utna ning di tuni sur a artabar tetek e God. Pa ka milau a pukakiar ning ar han kusun a lalaun ne.

Tatatai 14:13

Lamur a longor a elngen takai misaot na langit i atongi mang, “Ur tumus a utna ne: La ning la ka mat ana tortorot ana Leklek turpasi anone pa lamur, la angis.” A Talngan Tabu i atongi mang, “Momolna, lar manah kusun anunla a titolla, anasa anunla a wakak a titolla ir han taum on la.”