Pilipai 1:14 - Label

¹⁴ Anuk a keskes ting na rumai a dodot ka arakrakai a galis a tastasik ana tortorot ana Leklek, sur lar warwara talapor ana warwara ane God taum ana rakrakai, pa bel lar matmataut.

Pilipai 1:14 ပူးပေါင်းရင်းမြစ်များ

A Wakak a Warwara o e Iesu Karisito i tumusi 3:3

Pa i atai a barsan ning a kuna i del mang, “Ur tur te lanigo tanla rop.”

Luk 1:74

mang ir alaun dala kusun a kuna nundala hiruala, sur dalar titol teteki pa bel dalar matmataut.

2 Korin 3:12

I maining, bel mila matmataut, anasa mila tortorot mang a tona kunubus ir kes tikin.

2 Korin 7:4

A tortorot o mulo. Pa sira iaunan mulo. Anumulo a lalaun i arakrakai iau. Anuka gasgas i pulpulas arpotor ana mamahatla ning mila kilangi.

Epeses 3:13

Larning, a nunung mulo sur gong anumulo a tortorot ir punga anasa a kilang a mamahatla sur mulo te na rumai a dodot. A kilang a mamahatla sur dir atong leklek mulo.

Pilipai 1:20

A tortorot mang bel ar tol ta utna ning ar meme onoi. Ar tur rakrakai pa bel ar matmataut, sur ar aitna bolbolos e Karisito ana nuk na toltol. Ning ar laun o ar mat, ar aitna pasi.

Pilipai 1:7

I tostos sur ar nuknuk larne o mulo rop, anasa mulo kes momol te na nuknukik. Ning a kes te na rumai a dodot, pa a keles a warwara anuna tarai ning la atong laulau a Wakak a Warwara, pa a apuasa i tetek a taraila, dala rop dala tur taum ana titol ne, ning e God i saran tari tak ana nuna marmaris.

Pilipai 4:1

Na tastasik, mulor tur rakrakai ana Leklek lar otning ia ka atai tar mulo ono. Na halalik a mang kol sur mulo pa mang sur ar oroi mulo, anasa mulo anuka gasgas pa mulo arlar ana arlou ana nuk a titol.

Kolosi 4:4

Mulor nunung sur ar atatai talapor wakak onoi, sur ar tolsot pas anuka titol.

Kolosi 4:7

E Tikikus ir atai mulo ana ututnala rop ning a toli. I a tasindala ning mila mang kol suri, a momol a tena harnangai pa a tena titol taum o mila ana titol anuna Leklek.

1 Tesalonika 2:2

Mulo tasmani mang lanigo tana numitol a tinan ot tetek mulo, a tarai la alaulau mitol pa la ame mitol to e Pilipai. Ika ana harnangai anuna nundala God, mitol rakrakai ot sur mitol ar atatai ana nuna Wakak a Warwara tetek mulo, pa bel mitol matatan la ning la sairas rakrakai mitol.

2 Timoti 2:9

A kilang kankan pa di dot iau otleng arlar ana tena laulau, anasa a warawai ana Wakak a Warwara. Ika a warwara ane God bel dir dot lar pasi.